შსს განცხადებას ავრცელებს და ფერაძის სახლთან შეკრებილებს მოუწოდებს, „არ გასცდნენ კანონით დადგენილ ნორმებს“

შინაგან საქმეთა სამინისტრო განცხადებას ავრცელებს. 

„შინაგან საქმეთა სამინისტროს თანამშრომლები, თბილისში, ერთ-ერთი სამოქალაქო აქტივისტის საცხოვრებელ სახლთან მობილიზებული არიან საზოგადოებრივი უსაფრთხოებისა და მართლწესრიგის დაცვის მიზნით.
 
მოვუწოდებთ აქციის ორგანიზატორებსა და მონაწილეებს, არ გასცდნენ გამოხატვის თავისუფლებისა და შეკრების კანონით დადგენილ ნორმებს.
 
სამართალდარღვევის ნებისმიერი ფაქტი პოლიციის მხრიდან, კანონის ფარგლებში, დაუყოვნებლივ იქნება აღკვეთილი“, - აღნიშნულია განცხადებაში. 

ცნობისთვის, ჭოველიძის ქუჩაზე ამ წუთებში ხმაური და დაპირისპირებაა. აქციის მონაწილეები ნატა ფერაძეს სტალინის გამოსახულებიანი ხატისთვის საღებავის შესხმის გამო "პასუხს სთხოვენ". თუმცა ნატა ფერაძეს არ დაუდასტურებია, რომ საღებავი ხატს მან შეასხა. სამოქალაქო აქტივისტი პირველი იყო, რომელმაც სამებიდან ეს კადრები გაავრცელა. 

რატომ ჭარბობს კოკო შანელის სამკაულებში ლომის ფიგურა - რა საიდუმლო იმალება

VIDEO: იცოდით, რომ იპოლიტე ხვიჩია პროფესიით ბუღალტერი იყო, ნატო ვაჩნაძე კი ასანთის ფაბრიკაში მუშაობდა?! - ქართული კინოს ვარსკვლავების უცნობი პროფესიები

VIDEO: რა დაავადებები შეიძლება გამოიწვიოს მძივმა, ტუჩსაცხმა, სუნამომ... - ზაზა თელიას რჩევები