ქუთაისის მერის პირველი მოადგილე და საკრებულოს თავმჯდომარის პირველი მოადგილე ინფრასტრუქტურულ სამუშაოებს გაეცნენ

ქუთაისის მერის პირველი მოადგილე გიორგი ცხაკაია და საკრებულოს თავმჯდომარის პირველი მოადგილე მარეხ ნიჟარაძე,  ადგილობრივი ხელისუფლების სხვა წარმომადგენლებთან ერთად,  ქალაქში მიმდინარე ინფრასტრუქტურულ სამუშაოებს გაეცნენ.

დავით კლდიაშვილის ქუჩაზე მიმდინარეობს საგზაო ინფრასტრუქტურის განახლება.  გზის სავალ ნაწილზე ახალი , კაპიტალური ასფალტბეტონის საფარი დაიგება, მოეწყობა სანიაღვრე სისტემა და ტროტუარი, შეიცვლება საკომუნიკაციო ჭების სახურავები. პროექტის ღირებულებაა 956 765 ლარი და რეგიონებში განსახორციელები პროექტების ფონდიდან ფინანსდება.

ადგილობრივი ინიციატივების პროგრამის ფარგლებში, საყრდენი კედელი ეწყობა მწვანეყვავილას ქუჩაზე. სტიქიის გამო დაზიანებულ უბანზე აიგება რკინაბეტონის მონოლითური კედელი. სამუშაოებისთვის 309 999 ლარია განსაზღვრული. 
ახალგაზრდობის გამზირზე მალე დასრულდება.

ფეხბურთის  მოედნის რეაბილიტაცია.  საფეხბურთო კლუბ „მართვეს“ მოედანი ქუთაისში სპორტული მოედნების მოწყობისა და რეაბილიტაციის მასშტაბური პროექტის ფარგლებში კეთდება. პროექტის ჯამური ღირებულება 1 656 000 ლარია  და წლის ბოლომდე 16  მოედანი მოეწყობა.