უნგრეთი ყოველწლიურად აფინანსებს ქართველი სტუდენტების სწავლას, ამ ეტაპზე სტიპენდია გამოიყოფა 80 ადგილისთვის - ვიქტორ ორბანი

უნგრეთი სახელმწიფო სტიპენდიას უნიშნავს ქართველ სტუდენტებს, ინტერესი გაცილებით დიდია, მაგრამ ამ ეტაპზე უნგრეთის უნივერსიტეტებში 80 ადგილის დაფინანსება ხდება, – ამის შესახებ ვროკავშირის საბჭოს თავმჯდომარე ქვეყნის, უნგრეთის პრემიერ-მინისტრმა, ვიქტორ ორბანმა საქართველოს პრემიერ-მინისტრ ირაკლი კობახიძესთან გამართულ ერთობლივ ბრიფინგზე განაცხადა.

როგორც ორბანმა აღნიშნა, უნგრეთი ქართველი სტუდენტების სწავლას ყოველწლიურად აფინანსებს.

„მინდა, აღვნიშნო, რომ უნგრეთი სახელმწიფო სტიპენდიას უნიშნავს ქართველ სტუდენტებს. ყოველწლიურად 80 ადგილის დაფინანსება ხდება. ინტერესი გაცილებით დიდია, მაგრამ ამ ეტაპზე 80 ადგილისთვის გამოიყოფა სტიპენდია და ვაფინანსებთ ქართველი სტუდენტების სწავლას უნგრეთის უნივერსიტეტებში“, – განაცხადა ვიქტორ ორბანმა.