უნდა მოხდეს იმის პრევენცია, რომ პიროტექნიკა არ იყოს გამოყენებული, როგორც ცეცხლის გაჩენის საშუალება - ირაკლი ქადაგიშვილი პიროტექნიკის რეგულაციებზე

საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილი პიროტექნიკის რეგულაციების აუცილებლობაზე საუბრობს.

მისი თქმით, პიროტექნიკა არ უნდა იყოს გამოყენებული, როგორც ცეცხლის გაჩენის საშუალება და ამაზე პარლამენტი იმსჯელებს.

„უნდა მოხდეს იმის პრევენცია, რომ პიროტექნიკა არ იყოს გამოყენებული, როგორც ცეცხლის გაჩენის საშუალება. ამავდროულად, ზოგადადაც იყო საუბარი, რომ პიროტექნიკის გადაჭარბებული გამოყენება ჩვენს ქვეყანაში ყოველთვის იყო გარკვეული სჯა-ბაასის საგანი. ამ ერთმა ვითარებამ განაპირობა ამ საკითხის რეგულაციის აუცილებლობა“, - განაცხადა ირაკლი ქადაგიშვილმა.

პიროტექნიკის რეგულაციის საკითხზე პარლამენტი მიმდინარე კვირაში იმსჯელებს.