სომხეთის შს მინისტრი საქართველოში ოფიციალური ვიზიტით იმყოფება

საქართველოს შინაგან საქმეთა მინისტრის, სულხან თამაზაშვილის მოწვევით სომხეთის რესპუბლიკის შინაგან საქმეთა მინისტრი არპინე სარგსიანი საქართველოს ოფიციალური ვიზიტით ეწვია.

სულხან თამაზაშვილი სომეხ კოლეგას თბილისის საერთაშორისო აეროპორტში დახვდა.

სომხეთის რესპუბლიკის შინაგან საქმეთა მინისტრი არპინე სარგსიანი საქართველოში დელეგაციასთან ერთად იმყოფება.

ინფორმაციას საქართველოს შინაგან საქმეთა სამინისტროს პრესსამსახური ავრცელებს.