ხმაური და დაპირისპირება თბილისის საქალაქო სასამართლოში
1749732318
საქართველოს პრემიერ-მინისტრის ორდღიანი ოფიციალური ვიზიტი უნგრეთში იწყება. მთავრობის ადმინისტრაციის ინფორმაციით, დღეს, უნგრეთის პრემიერ-მინისტრის სასახლეში შედგება ირაკლი კობახიძის დახვედრის ოფიციალური ცერემონია.
დაგეგმილია ორი ქვეყნის მთავრობის ხელმძღვანელების პირისპირ და გაფართოებულ ფორმატში შეხვედრა.
გარდა ამისა, ირაკლი კობახიძე ბუდაპეშტში, ოფიციალური ვიზიტის ფარგლებში დაესწრება საქართველო-უნგრეთის მთავრობათაშორისი კომისიის მეორე სხდომას. გაფორმდება შეთანხმებები სოფლის მეურნეობის, ენერგეტიკის, კულტურისა და ინოვაციების, ასევე - სპორტის სფეროში ურთიერთთანამშრომლობის შესახებ.
მთავრობათაშორისი კომისიის სხდომის შემდეგ, დაგეგმილია ირაკლი კობახიძის და ვიქტორ ორბანის ერთობლივი პრესკონფერენცია.
