სახელმწიფო მინისტრი თეა ახვლედიანი ლაგოდეხში ნოვრუზ ბაირამის დღესასწაულთან დაკავშირებით გამართულ ღონისძიებებს დაესწრო

სახელმწიფო მინისტრი თეა ახვლედიანი ლაგოდეხში ნოვრუზ ბაირამის დღესასწაულთან დაკავშირებით გამართულ ღონისძიებებს დაესწრო და კაბალის თემის ეთნიკურად აზერბაიჯანელ მოსახლეობას ნოვრუზ ბაირამის დღესასწაული მიულოცა. სახელმწიფო მინისტრი ასევე, სოფელ უზუნთალაში მოწყობილ ეთნიკურ კუთხეებს ესტუმრა და ადგილობრივი მეწარმეების ნამუშევრების საგამოფენო კუთხეები დაათვალიერა.

მინისტრი ადგილობრივი ახალგაზრდული საბჭოების წარმომადგენლებს შეხვდა და მათ საქმიანობას გაეცნო, ასევე მონაწილეობა მიიღო კოცონის ანთების საზეიმო რიტუალში.