“ლელოსთან“ დაახლოებული პირი დააკავეს

თბილისის სხვადასხვა ლოკაციაზე ოპოზიციური პარტიებისა და არასამთავრობო ორგანიზაციების ოფისში საგამოძიებო მოქმედებები მიმდინარეობს.

საგამოძიებო მოქმედებების შედეგად დააკავეს ვასილ კაძელაშვილი. ეს არის პირი, რომელიც რამდენიმე დღის წინ გავრცელებულ ვიდეო ჩანაწერში ფიგურირებს. ჩანაწერში ვასილ კაძელაშვილი და ვეფხია კასრაძე მსხვერპლზე და ხანძრების მოწყობაზე საუბრობენ.

საგამოძიებო მოქმედებების შედეგად, ასევე დაკავებულია ვეფხია კასრაძე. ვასილ კაძელაშვილი მამუკა ხაზარაძის მეგობარია.