ქართველ მამაც ხალხს ვულოცავ დამოუკიდებლობის დღეს, ქართველი ხალხის სიძლიერის პატივსაცემად, ჩვენ მოლდოვის უმაღლეს ჯილდოს ვანიჭებთ პრეზიდენტ სალომე ზურაბიშვილს - მაია სანდუ

ქართველ მამაც ხალხს ვულოცავ დამოუკიდებლობის დღეს. მოლდოვა დგას ყველას გვერდით, ვისაც სჯერა თავისუფლების, ღირსებისა და ევროპული მომავლის, – ამის შესახებ მოლდოვის პრეზიდენტი მაია სანდუ სოციალურ ქსელში წერს.

სანდუ აღნიშნავს, რომ „ჩვენი გზა შესაძლოა, ყოველთვის არ იყოს მარტივი, მაგრამ ის ღირს ერთად გასავლელად“.

„საქართველოს გაუმარჯოს! ქართველი ხალხის სიძლიერის პატივსაცემად, ჩვენ რესპუბლიკის ორდენს – მოლდოვის უმაღლეს ჯილდოს ვანიჭებთ პრეზიდენტ სალომე ზურაბიშვილს. მისი ლიდერობა და დემოკრატიული ღირებულებებისადმი ერთგულება ყველას გვაძლევს შთაგონებას“, – წერს მაია სანდუ.