„ქართული ოცნების“ საარჩევნო პროგრამა არის ჩვენი ქვეყნის განვითარების, კეთილდღეობისა და პროგრესის გარანტია - რატი იონათამიშვილი

„ქართული ოცნების“ საარჩევნო პროგრამა არის ჩვენი ქვეყნის განვითარების, კეთილდღეობისა და პროგრესის გარანტია, - ასე აფასებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილი მმართველი პარტიის მიერ წარდგენილ პროგრამას.

„მიმართულებები, რაც საქართველოს პრემიერ-მინისტრის, ირაკლი კობახიძისგან მოისმინეს საქართველოს მოქალაქეებმა ნამდვილად არის მათ კონკრეტულ საჭიროებებზე მორგებული. მომდევნო 4 წელიწადში ჩვენს ქვეყანაში იქნება უმნიშვნელოვანესი პროგრესი როგორც ეკონომიკური განვითარების, ასევე სოციალური კეთილდღეობისა და ჩვენი ეროვნული ამოცანების შესრულების თვალსაზრისით“, - მიიჩნევს იონათამიშვილი.

პრემიერ-მინისტრმა ირაკლი კობახიძემ „ქართული ოცნების“ საარჩევნო პროგრამის პრეზენტაცია გამართა.