პრემიერ-მინისტრი თურქეთში საქართველოს ახლად დანიშნულ ელჩს, არჩილ კალანდიას შეხვდა

საქართველოს პრემიერ-მინისტრი ირაკლი კობახიძე თურქეთში საქართველოს ახლად დანიშნულ ელჩს, არჩილ კალანდიას შეხვდა. შეხვედრისას საუბარი შეეხო საქართველოსა და თურქეთს შორის არსებულ სტრატეგიულ პარტნიორობას, ასევე სხვადასხვა სფეროში თანამშრომლობის შემდგომი განვითარების პერსპექტივებს.

მთავრობის მეთაურმა დიპლომატს მისიის დაწყება მიულოცა და წარმატებები უსურვა.