კახა კალაძე: რადიკალურ დაჯგუფებას არანაირი საერთო არ აქვს ქვეყნის ინტერესებთან, არსებითი მნიშვნელობა არ აქვს, ოპოზიცია გაერთიანებული იქნება თუ დაშლილი

თბილისის მერის, კახა კალაძის შეფასებით, ოპოზიციას არც გაერთიანების შემთხვევაში აქვთ ადგილობრივი თვითმმართველობის არჩევნებში გამარჯვების შესაძლებლობა.

მისივე თქმით, „რადიკალურ დაჯგუფებას არანაირი ქვეყნის ინტერესებთან საერთო არ აქვს“.

„არსებითი მნიშვნელობა არ აქვს, გაერთიანებული იქნებიან თუ დაშლილები, ვინ ვისთან იქნება. ბევრი ასეთი გაერთიანება გვინახავს ახლო წარსულში, მაგრამ შედეგი ნული, რადგან ვიცით, რას წარმოადგენენ ეს ადამიანები – გინდ ცალ-ცალკე აღებული, გინდ გაერთიანებული, ვის და რას ემსახურებიან. რადიკალურ დაჯგუფებას არანაირი საერთო არ აქვს საქართველოსთან, ქართველ ხალხთან და ქვეყნის ინტერესებთან, გინდ გაერთიანებულებს და გინდ ცალკე დაშლილებს“, – აღნიშნა თბილისის მერმა.