ირაკლი კობახიძე: განსაკუთრებულია თითოეული დიპლომატის როლი საერთაშორისო ასპარეზზე ეროვნული ინტერესების დაცვისა და სუვერენიტეტის განმტკიცების საქმეში, მადლობას გიხდით ამ გზაზე გაწეული შრომისთვის

საქართველოს პრემიერ-მინისტრი ირაკლი კობახიძე დიპლომატებს ქართული დიპლომატიის დღეს ულოცავს.

როგორც კობახიძე სოციალურ ქსელში წერს, განსაკუთრებულია თითოეული დიპლომატის როლი საქართველოს საგარეო პოლიტიკური მიზნების მიღწევისა და სუვერენიტეტის განმტკიცების საქმეში.

„საქართველოს დიპლომატიური კორპუსის თითოეულ წარმომადგენელს გილოცავთ ქართული დიპლომატიის დღეს. განსაკუთრებულია თითოეული დიპლომატის როლი საქართველოს საგარეო პოლიტიკური მიზნების მიღწევის, საერთაშორისო ასპარეზზე ჩვენი ქვეყნის ეროვნული ინტერესების დაცვისა და სუვერენიტეტის განმტკიცების საქმეში. მადლობას გიხდით ამ გზაზე გაწეული შრომისთვის და პროფესიონალიზმისთვის. გისურვებთ წარმატებებს თქვენს საპასუხისმგებლო საქმიანობაში“, – წერს კობახიძე.