ირაკლი ჩიქოვანი: ჩვენ გვაქვს პროექტი, რომელსაც განახორციელებს თავდაცვის სამინისტრო, მოეწყობა შინდისის გმირების მემორიალი, რომელიც იქნება მნიშვნელოვანი და მასშტაბური

ჩვენ გვაქვს პროექტი, რომელსაც განახორციელებს თავდაცვის სამინისტრო, მოეწყობა შინდისის გმირების მემორიალი, რომელიც იქნება მნიშვნელოვანი და მასშტაბური, - განაცხადა თავდაცვის მინისტრმა ირაკლი ჩიქოვანმა შინდისში გმირთა მემორიალთან მედიასთან.

„ჩვენ უზრუნველვყოფთ, რომ სრულად იქნება შენარჩუნებული ის იერსახე, რომელსაც აქაურობა ატარებს, რათა შენარჩუნდეს ის ავთენტურობა, რომელსაც ადგილზე მისული ადამიანები ნახავენ. ასევე დამატებით სხვა ელემენტები, რომელიც გამოყოფს ამ ადამიანების გმირობას“, - აღნიშნა ირაკლი ჩიქოვანმა.

შინდისის ბრძოლიდან 17 წელი გავიდა.