სტამბოლში, 19 მსახიობი და მომღერალი დააკავეს - ცნობილია დაკავებულების ვინაობა
1759916398
გურამ მაჭარაშვილი: საკონსტიტუციო სასამართლოში რამდენიმე დღეში სარჩელი იქნება შეტანილი, დიდი მსჯელობა არ დასჭირდება იმას, რომ „ნაცმოძრაობა“, თავის ფილიალებთან ერთად, აუცილებლად გაუქმდება
საკონსტიტუციო სასამართლოში რამდენიმე დღეში სარჩელი იქნება შეტანილი. დროებით საგამოძიებო კომისიაზე უამრავი მტკიცებულება, 4 ოქტომბერიც იქნება მტკიცებულება, რომ ეს ხალხი სახელმწიფოს წინააღმდეგ იბრძვის, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
მისი თქმით, დიდი მსჯელობა არ დასჭირდება იმას, რომ „ნაცმოძრაობა“ თავის ფილიალებთან ერთად აუცილებლად გაუქმდება.
„მიკვირს, „ლელო-გახარიას“ პოლიტიკურ ნაბიჯებში ლოგიკას რომ ეძებთ. ამას ხუმრობით თუ კითხულობთ, გეტყვით, მათ თავიდანვე არ სჯეროდათ, რომ საკრებულოებში სერიოზული კვოტები ექნებოდათ. ამბობდნენ, რომ მონაწილეობას რევოლუციაშიც იღებდნენ და არჩევნებშიც, ანუ 16:00 საათის შემდეგ თუ რამე გადატყდებოდა, რევკომის მხარეს დადგებოდნენ. ამის ილუზია არავის ჰქონდა, მაგრამ მათი მარცხის მიზეზი იმაშია, რომ ეს ხალხი ერთმანეთს არ ენდობა. მანჯგალაძემ თქვა, სურათის გადაღების გარდა საერთო არაფერი გვქონდაო. ამ ძალებს „ლელო“-სა და გახარიას პარტიში უკვე სერიოზულად აღარ აღვიქვამენ. საკონსტიტუციო სასამართლოში სარჩელი იქნება შეტანილი. დროებით საგამოძიებო კომისიაზე უამრავი მტკიცებულება იყო და 4 ოქტომბერი ზედ დადებული მტკიცებულება იქნება, რომ ეს ხალხი სახელმწიფოს წინააღმდეგ იბრძვის. „ნაცმოძრაობა“ თავის ფილიალებთან ერთად აუცილებლად გაუქმდება, როგორც პოლიტიკური პარტიები. ამას დიდი მსჯელობა არ დასჭირდება. რატომ უნდა გვაინტერესებდეს ე.წ. პოლიტიკური პარტიების მოსაზრებები, თუნდაც, დღეს? ჩვენ არაერთხელ გვითქვამს, რომ სამწუხარო მოცემულობაა, რომ ისინი „ნაცმოძრაობასთან“ აფილირებული არიან, რაც კომისიაზე დადასტურდა, მათ შორის, „ლელოც“ და გახარიაც“, – განაცხადა გურამ მაჭარაშვილმა.
კითხვაზე, უნდა აიკრძალოს თუ არა „ლელო-ძლიერი საქართველო“ და „გახარია-საქართველოსთვის“, გურამ მაჭარაშვილმა თქვა, რომ საკონსტიტუციო სასამართლოს ნაცვლად ვერ იმსჯელებს.
„ნაცმოძრაობა“ ქართულ პოლიტიკას თავისი სატელიტებით აუცილებლად უნდა ჩამოსცილდეს. სატელიტებს სარჩელში დაგიკონკრეტებთ. გთხოვთ, სარჩელი წაიკითხოთ, იმეცადინოთ და ისე მობრძანდეთ“, – თქვა გურამ მაჭარაშვილმა.
