ელენე ხოშტარია: დამაყადაღეს მეც და „დროას“ ანგარიშებიც, შემოწირულობები უსაფრთხო ადგილას მქონდა დაბინავებული, 17 ლარი მოიჭრა სულ

დამაყადაღენ მეც და „დროას“ ანგარიშებიც. შემოწირულობები უსაფრთხო ადგილას მქონდა დაბინავებული, 17 ლარი მოიჭრა სულ, – ამის შესახებ „დროას“ ლიდერი ელენე ხოშტარია სოციალურ ქსელში წერს.

როგორც ხოშტარია წერს, არცერთ დაკითხვაზე გამოცხადებას და არცერთ სასამართლო სხდომაზე მისვლას არ აპირებს.

„დამაყადაღენ მეც და „დროას“ ანგარიშებიც. ვაი თქვენს პატრონს! შემოწირულობები უსაფრთხო ადგილას მქონდა დაბინავებული, 17 ლარი მოიჭრა სულ. არ გადაგცდეთ ეგ 17 ლარი. არასდროს არცერთ ჯარიმას არ ეღირსებით ჩემგან, არცერთ დაკითხვაზე გამოცხადებას და არცერთ სასამართლო სხდომაზე მოსვლას. ცეცხლი ოლიგარქიას“, – წერს ელენე ხოშტარია.