„ელჩი დანიგანი შეხვდა საგარეო საქმეთა მინისტრს და გააცნო პრეზიდენტ ტრამპისა და სახელმწიფო მდივან რუბიოს მთავარი პრიორიტეტები“ - აშშ-ის საელჩო

ამერიკის შეერთებული შტატების ელჩი, რობინ დანიგანი საგარეო საქმეთა მინისტრ, მაკა ბოჭორიშვილს შეხვდა. შეხვედრის შესახებ აშშ-ის საელჩომ სოციალურ ქსელში დაწერა. 

"დღეს ელჩი დანიგანი შეხვდა საგარეო საქმეთა მინისტრ მაკა ბოჭორიშვილს და გააცნო პრეზიდენტ ტრამპისა და სახელმწიფო მდივან რუბიოს მთავარი პრიორიტეტები, ასევე, ის ნაბიჯები, რომელიც საქართველოს შეუძლია გადადგას, რათა აჩვენოს ამერიკის შეერთებულ შტატებთან ურთიერთობის გაუმჯობესებისადმი სერიოზული დამოკიდებულება." - წერია განცხადებაში.