არჩილ გორდულაძე - გადატრიალება ვისაც უნდა, იქ გადაბრუნდეს, სადაც თავად სურს, ქვეყანას თავი დაანებონ

გადატრიალება ვისაც უნდა, იქ გადაბრუნდეს, სადაც თავად სურს, ქვეყანას თავი დაანებონ, – ამის შესახებ საპარლამენტო უმრავლესობის წევრმა, არჩილ გორდულაძემ განაცხადა.

გორდულაძე რუსთაველის გამზირზე მიმდინარე საპროტესტო აქციებს გამოეხმაურა.

„არ ვიცი, როგორ შეიძლება, ადამიანი, რომელიც თავის თავს ქართველს უწოდებს, სხვა ქართველი ადამიანის სიკვდილი ისურვოს. წარმოუდგენელია, ამ ყველაფერს ისე ლამაზი სიტყვებით და ღიმილით აცხადებდე, რაც ვიხილეთ. წარმოუდგენელია, ადამიანები როგორ ცდილობენ, რომ აქციაზე ადამიანის გარდაცვალების რომანტიზება მოახდინონ. მანამდე ვნახეთ, როგორ ითხოვდნენ, რომ კარგი იქნებოდა, თუ ხანდაზმული ადამიანი დაიღუპებაო. როგორ შეიძლება, ქვეყანა და ადამიანი გიყვარდეს და მის სიკვდილს ნატრობდე. ოჯახის წევრი თუ არ გიყვარს, მეზობელი, თანამოქალაქე და მას სიკვდილს უსურვებ, როგორ შეიძლება თქვა, ევროპისკენ მინდაო. ვისაც გადატრიალება უნდა, იქ გადაბრუნდეს, სადაც თავად სურს – ქვეყანას თავი დაანებონ“, – განაცხადა არჩილ გორდულაძემ.