ამ არჩევნებს ჩვენ პირობითად რეფერენდუმი დავარქვით, ეს იყო არჩევანი ომსა და მშვიდობას, ტრადიციულ ცხოვრებასა და ლგბტ პროპაგანდას შორის - გურამ მაჭარაშვილი

ეს არჩევნები სპეციფიკური არჩევნები იყო, რომელსაც ჩვენ პირობითად რეფერენდუმი დავარქვით. ეს იყო პირდაპირ არჩევანი ომსა და მშვიდობას შორის, ტრადიციულ ცხოვრებასა და ლგბტ პროპაგანდას შორის, - განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა.

„ამის შემდეგ, ჩვენ ვსაუბრობთ ეკონომიკურ განვითარებაზე, ცივილიზებულ სამყაროში ჩვენი ქვეყნის მნიშვნელობის გაზრდაზე და ბუნებრივია ეს სამთავრობო პროგრამა, რომელიც მინიმუმ 4-წლიანი იქნება, სარგებელს მოუტანს საქართველოს საზოგადოებას“, - განაცხადა მაჭარაშვილმა.

მე-11 მოწვევის პარლამენტი 25 ნოემბერს შეიკრიბება. მთავრობა პარლამენტს ახალ შემადგენლობასა და პროგრამას წარუდგენს.