უმი ხამანწკების ჭამის შემდეგ, ორი პირი ხორცისმჭამელი ბაქტერიით დაინფიცირდა და გარდაიცვალა - შემთხვევა აშშ-ში მოხდა

აშშ-ში, ლუიზიანას შტატში, უმი ხამანწკების ჭამის შემდეგ, ორი პირი,ხორცისმჭამელი ბაქტერიით დაინფიცირდა და გარდაიცვალა. ამის შესახებ nbcnews-ი შტატის ჯანდაცვის დეპარტამენტზე დაყრდნობით წერს.

მედიის ინფორმაციით, გარდაცვალების მიზეზი ბაქტერია Vibrio vulnificus-ია, რომელიც ბუნებრივად თბილ ზღვის წყლებში გვხვდება და ყველაზე აქტიური მაისიდან ოქტომბრამდე პერიოდშია.

ჯანდაცვის წარმომადგენლების თქმით, Vibrio ბაქტერიით ინფიცირება ხდება მაშინ, როდესაც ღია ჭრილობა ზღვის წყალთან კონტაქტში შედის ან როდესაც მიირთმევენ უმ, ან არასაკმარისად მოხარშულ ზღვის პროდუქტებს.

შტატის ჯანდაცვის დეპარტამენტის ცნობით, ხამანწკებთან დაკავშირებული ორი გარდაცვალების გარდა, წელს ლუიზიანაში ბაქტერიით ინფიცირებული კიდევ ორი ​​ადამიანი გარდაიცვალა.