უკრაინის პროკურატურა უმაღლესი რადას ყოფილი თავმჯდომარის, ანდრეი პარუბის მკვლელობის საქმეზე ინფორმაციას ავრცელებს

უმაღლესი რადას ყოფილი თავმჯდომარის, ანდრეი პარუბის მკვლელობის საქმეზე დამნაშავის ვინაობა ამ დრომდე არ არის დადგენილი, – ამის შესახებ ქვეყნის ინფორმაციას გენერალური პროკურატურა ავრცელებს.

ლვოვის ოლქის პოლიციის განყოფილებაში აცხადებენ, რომ უცნობმა პირმა დაახლოებით რვა გასროლა განახორციელა მსხვერპლის მიმართულებით ცეცხლსასროლი იარაღიდან.

„პოლიციის ეკიპაჟებმა  დაადგინეს, რომ უცნობმა პირმა დაახლოებით რვა გასროლა განახორციელა ცეცხლსასროლი იარაღიდან“, – აღნიშნავს ლვოვის ოლქის პოლიციის უფროსი ალექსანდრე შლიახოვსკი.

შლიახოვსკიმ განაცხადა, რომ „დანაშაული ძალიან გულდასმით იყო დაგეგმილი, დამნაშავე ძალიან საგულდაგულოდ ემზადებოდა“.

კითხვაზე, ადასტურებს თუ არა პოლიცია, რომ მკვლელი კურიერი იყო, შლიახოვსკიმ აღნიშნა:  „ჩვენ ამჟამად ვადგენთ იმ პიროვნებას, რომელსაც გარეგნულად ჰქონდა მსგავსი ტანსაცმელი, რომელსაც ჰქონდა ჩაფხუტი და რომელიც, წინასწარი ვარაუდით, შესაძლოა, დანაშაულის ჩადენაში იყოს ჩართული“.

ცნობისთვის, ლვოვში თავდასხმისას მოკლულია უმაღლესი რადას ყოფილი თავმჯდომარე ანდრეი პარუბი. როგორც უკრაინული მედია წერს, თავდამსხმელი გაიქცა, ხოლო ქალაქში სპეციალური ოპერაცია „სირენა“ გამოცხადდა. შემთხვევის ადგილზე მუშაობენ ოლქის პროკურატურისა და ეროვნული პოლიციის წარმომადგენლები, ასევე ჩართული არიან ექსპერტ-კრიმინალისტები.