ცნობილი ბლოგერი დუნდულების გადიდების ოპერაციას ემსხვერპლა - კოსმეტოლოგი, რომელმაც მანიპულაცია ჩაატარა დააკავეს (უცხოეთი)

მოსკოვში სასამართლომ კოსმეტოლოგი შოირა ნაზულოევია ცნობილი ბლოგერ იულია ბურცევას გარდაცვალების საქმეზე სამი წლით თავისუფლების აღკვეთა მიუსაჯა. ინფორმაციას სასამართლოს პრესსამსახური ავრცელებს.

მსჯავრდებულს, ასევე, ორი წლის განმავლობაში აეკრძალა კოსმეტოლოგიის სფეროში სამედიცინო მომსახურების გაწევა, რომელიც ინექციურ პროცედურებს უკავშირდება. სასამართლომ ნაზულოევია დამნაშავედ ცნო უკანონო სამედიცინო საქმიანობაში, რამაც ადამიანის სიცოცხლის მოსპობა გამოიწვია გაუფრთხილებლობით. 

გამოძიებამ დაამტკიცა, რომ ნაზულოევს მსგავსი სამედიცინო მანიპულაციების ჩატარების უფლება არ ჰქონდა. მიუხედავად ამისა, ის თავის კლიენტებს დუნდულების გასადიდებლად „მოდურ“ პროცედურას სთავაზობდა.