პიტერ სიიარტო აცხადებს, რომ უნგრეთი უკრაინაში ევროკავშირის სამხედრო ოპერაციას მხარს არ დაუჭერს

უნგრეთი არ დაუჭერს მხარს უკრაინაში ევროკავშირის სამხედრო ოპერაციას, - განცხადებას უნგრეთის საგარეო საქმეთა მინისტრი სოციალურ ქსელში ავრცელებს.

პიტერ სიიარტოს თქმით, ბუდაპეშტისთვის პრიორიტეტული კვლავ მშვიდობაა, ხოლო ევროკავშირი ცდილობს და ეცდება, წევრი სახელმწიფოებისთვის ისეთი იდეების თავს მოხვევას, როგორიცაა - უკრაინისთვის ფინანსური ტრანსფერების გაგრძელება და იარაღის მიწოდება, რაც საბოლოოდ, ევროკავშირს სამხედრო ოპერაციის შესახებ გადაწყვეტილების მიღებამდე მიიყვანს.