„20 წუთამდე გრძელდებოდა სეტყვა და ქარი...“ - ძლიერი სტიქია კახეთში
1757579911
ფლორიდის გუბერნატორი რონ დესანტისი ჩარლი კირკის მკვლელის სიკვდილით დასჯას ითხოვს. ამის შესახებ დესანტისმა „ფოქს ნიუსთან“ ინტერვიუში განაცხადა.
„მტკიცებულებები უნდა არსებობდეს. სამართლიანი გამოძიება გვჭირდება. ის სასწრაფოდ უნდა დააკავონ და სიკვდილით დასაჯონ“, – აცხადებს რონ დესანტისი.
ფლორიდის გუბერნატორმა მომხდარს ამერიკელი ერისთვის მიყენებული დიდი ჭრილობა უწოდა და აღნიშნა, რომ ძალიან გაბრაზებულია.
„ჩემი მწუხარება ბრაზად გადაიქცა. ძალიან გაბრაზებული ვარ. ადამიანი, რომელმაც თავისი ცხოვრება იმ იდეების გაჟღერებას მიუძღვნა, რომლებისაც ჩვენ ყოველთვის გვჯეროდა,“ – აღნიშნა რონ დესანტისმა.
ცნობისთვის, კონსერვატორი კომენტატორი ჩარლი კირკი „იუტა ველის“ უნივერსიტეტში სროლის შედეგად დაიღუპა. გავრცელებული ინფორმაციით, კირკი პრეზენტაციას ატარებდა, რა დროსაც ესროლეს. საავადმყოფოში გადაყვანის შემდეგ მისი გადარჩენა ვერ მოხერხდა. პოლიციამ მომხდარზე თავდაპირველად ორი პირი დააკავა, თუმცა მოგვიანებით ორივე მათგანი გაათავისუფლა. გავრცელებული ინფორმაციით, მათ მკვლელობასთან კავშირი არ აღმოაჩნდათ.
