ჩინეთში, ქვანახშირის კომპანიის ოფისში ხანძრის შედეგად, სულ მცირე, 19 ადამიანი დაიღუპა, 51 კი დაშავდა

ჩინეთში, ქვანახშირის კომპანიის ოფისში გაჩენილი ხანძრის შედეგად, სულ მცირე, 19 ადამიანი დაიღუპა, 51 კი დაშავდა. ინფორმაციას „როიტერი“ ავრცელებს.

შანქსის პროვინციაში, ქვანახშირის კომპანიის ოთხსართულიან ოფისში ხანძარი ადგილობრივი დროით 06:50 საათზე გაჩნდა.

ხანძრის გამომწვევი მიზეზი ამ დრომდე უცნობია. როგორც მედია წერს, შემთხვევის მიზეზის დასადგენად გამოძიება მიმდინარეობს.