„არ გაუშვათ შანსი ხელიდან“ - 2024 წლის მნიშვნელოვანი თარიღები

საოცრად მობილურ და მოულოდნელობებით სავსე რეალობაში ძალიან რთულია მომავლის პროგნოზირება, მაგრამ ისეთი სწავლებების წყალობით, როგორიც ფენ-შუი, ეზოთერიკა და ასტროლოგიაა, მეტ-ნაკლებად მაინც შეიძლება მომავლის განსაზღვრა, უსიამოვნებებს მორიდება და სასიკეთო შანსების გამოყენება. 

2024 წლის მნიშვნელოვანი თარიღები

8 მარტი - დედამიწის მაღალ ვიბრაციაზე გადასვლის დღე. არ გაუშვათ ხელიდან ცოდნის შეძენის, ახალი და საჭირო ინფორმაციის მიღების შანსი.

12 აპრილი - განწმენდის რთული, თუმცა მეტად მნიშვნელოვანი დღეა. სასურველია მზადება რამდენიმე დღით ადრე დაიწყოთ, რათა თვითონაც მაქსიმალურად „გასუფთავდეთ“ და თქვენს გარშემო სივრცეც სრულად გაწმინდოთ.

11 მაისი - ენერგეტიკულად მნიშვნელოვანი დღეა. გაისეირნეთ სუფთა ჰაერზე ახლობლებთან ერთად. არ აჰყვეთ ცდუნებებს, იმოქმედეთ საღი გონებით და მხოლოდ რეალურ ფაქტებზე დაყრდნობით.

14 ივნისი - ძლიერი ენერგეტიკული ნახტომის დღე. სასურველია განახორციელოთ ცვლილებები, განაახლოთ გარდერობი და ბინის ინტერიერი მეტი მყუდროების შესაქმნელად. 

5 ივლისი - მეტად ემოციური დღეა. გამოიჩინეთ თავშეკავება, არ ღირს ყველა წვრილმანზე მტკივნეულად რეაგირება და საკუთარი ემოციებით სხვების შეწუხება.

10 სექტემბერი - ახალ ეტაპზე გადასვლის დღეა. მართალია, ბევრისთვის შინაგანი „გარდაქმნა“ რთული და მტკივნეული იქნება, მაგრამ ადრე თუ გვიან მაინც მოუწევს რეალობასთან პირისპირ შეხვედრა და იმ გადაწყვეტილებების მიღება, რომელთაც დიდხანს გაურბოდა.

2 ოქტომბერი - მზის დაბნელება. ბევრს იზოლაციის, მარტოობის შეგრძნება გაუჩნდება, რადგან ახლობლებთანაც  გაუჭირდება ურთიერთობა.

24 ნოემბერი - მორიგი ტრანსფორმაციის დღეა, თუმცა ამჯერად ცვლილებების განხორციელება არა საკუთარი სურვილით, არამედ სამყაროდან ნაკარნახევი მინიშნებების ამოცნობით მოგიწევთ. 

ასევე ნახეთ:

„სამყარო თქვენს მხარეზეა, გამოიყენეთ თებერვლის თვე...“ - როგორ განვითარდება სასიყვარულო მოვლენები თებერვალში

„წელს იღბლის ფავორიტები ხართ...“ - ვის უმზადებს ვარსკვლავები თავბრუდამხვევ წარმატებას

ვიხილავთ თუ არა თაია ჭიჭინაძეს „პრაიმ ჰაუს All Star“-ის სეზონში

როგორ მიხვდეთ, რომ თქვენს გვარში ჯადოქრები იყვნენ