„ნანატრი და ორმაგი უდიდესი სიხარული“ – ბათუმში დაბადებულმა დღენაკლულმა ტყუპებმა ყველა პრობლემა დაძლიეს

ბათუმის საერთაშორისო საუნივერსიტეტო ჰოსპიტალი სოციალური ქსელში სასიხარულო ინფორმაციას ავრცელებს.

კლინიკის ცნობით, ტყუპებმა, რომლებიც აღნიშნულ ჰოსპიტალში დღენაკლულები დაიბადნენ, ყველა პრობლემა დაძლიეს:

„თამარი, დემეტრე. ნანატრი და ორმაგი უდიდესი სიხარული ჭყონიების ოჯახში.

უსაყვარლესმა ტყუპებმა, რომლებიც დღენაკლი მოევლინენ ქვეყანას, ყველა პრობლემა დაძლიეს.

ვულოცავთ ბედნიერ მშობლებს და პატარებს ბედნიერ და ლაღ მომავალს ვუსურვებთ“, – წერია ჰოსპიტალის მიერ გავრცელებულ ინფორმაციაში.