„მარიამი ნამდვილად საუკეთესო იყო...“ - რას წერს ირმა სოხაძე ევროვიზიის შედეგებზე

ბაზელში ევროვიზიის 69-ე კონკურსის მეორე ნახევარფინალი გაიმართა, სადაც საქართველოს წარმომადგენელი მარიამ შენგელია ანსამბლ „ერისიონის“ მოცეკვავეებთან ერთად მეათე ნომრად წარდგა.

მან შეასრულა სიმღერა სახელწოდებით - Freedom. მეორე ნახევარფინალში სულ 16 ქვეყანა მონაწილეობდა. გამარჯვებულთა ათეული მხოლოდ მაყურებელთა ხმების საფუძველზე გამოვლინდა.

მიუხედავად არაჩვეულებრივი ნომრისა, მარიამი ფინალში ვერ გადავიდა, რასაც მომღერალი ირმა სოხაძე სოციალურ ქსელში გამოეხმაურა და კონკურსს უსამართლო უწოდა:

„მარიამი ნამდვილად საუკეთესო იყო. მართლა უსამართლო კონკურსია, ძალიან გულდასაწყვეტია“, - წერს ირმა სოხაძე.