1739225439

ტეხასში წითელას ეპიდემია ვრცელდება-ინფიცირებულთა უმეტესობა სკოლის ასაკის ბავშვია

ტეხასის ჯანდაცვის დეპარტამენტმა გეინსის ოლქში წითელას ეპიდემიის გავრცელება დაადასტურა.ამ დროისთვის გამოვლენილია 10 შემთხვევა,რომელთაგან 8 სკოლის ასაკის ბავშვია.ჯანდაცვის წარმომადგენლების ინფორმაციით,ინფიცირებულთა უმეტესობა სამედიცინო დაწესებულებაშია მოთავსებული,ხოლო ყველა დაავადებული აცრილია.სპეციალისტები ვარაუდობენ,რომ მაღალი ინფიცირების რისკისა,შესაძლოა,ვირუსი უფრო ფართოდ გავრცელდეს,როგორც გეინსის ოლქში,ასევე მიმდებარე რეგიონებშიც.ჯანდაცვის დეპარტამენტი ადგილობრივ უწყებებთან ერთად იკვლევს ეპიდემიის წყაროსა და გავრცელების გზებს.ექსპერტები მოსახლეობას მოუწოდებენ,რომ საჭიროების შემთხვევაში,მიიღონ შესაბამისი ვაქცინა.წითელა გადამდები ვირუსული ინფექციაა,რომელიც ვრცელდება ჰაერის საშუალებით,ხველის ან ცემინების დროს.ვირუსი გარემოში ინფექციური რჩება ინფიცირებული პირის წასვლის შემდეგაც,დაახლოებით ორი საათის განმავლობაში.მოსახლეობას მოუწოდებენ,ყურადღება მიაქციონ წითელას სიმპტომებს,რომლებიც მოიცავს მაღალ სიცხეს,ხველას,სურდოს,წითელ და წყლიან თვალებს,რასაც მოგვიანებით სხეულზე გავრცელებული გამონაყარი ემატება.ინფიცირებულ პირებს ურჩევენ დარჩნენ იზოლაციაში მინიმუმ ოთხი დღის განმავლობაში გამონაყარის გაჩენამდე და ოთხი დღის შემდეგაც,რათა თავიდან აიცილონ ვირუსის გავრცელება.

1739198565

COVID-19-ს პოზიტიურად განწყობილი ადამიანები უკეთ გაუმკლავდნენ - ახალი კვლევა

ახალი კვლევა აჩვენებს,რომ COVID19-ის პანდემიის დროს დადებითად განწყობილმა ადამიანებმა საკმაოდ მარტივად გადალახეს კრიზისული სიტუაციები.მეცნიერებმა დაადგინეს, რომ ის ადამიანები, რომლებიც მეტი პოზიტიურობით გამოირჩეოდნენ, უკეთ უმკლავდებოდნენ პანდემიის სტრესსა და არეულობას, განსხვავებით იმ ადამიანებისგან, რომლებიც ზედმეტად ემოციურები იყვნენ ამ პერიოდში.ფსიქოლოგები აღნიშნავენ,რომ ასეთ პოზიტიურ მიდგომას დიდი მნიშვნელობა აქვს, ვინაიდან, ის გვეხმარება ცხოვრებისეული გამოწვევების წარმატებით გადალახვაში. ამ კვლევით, ნათლად გამოიკვეთა, რომ რთულ პერიოდში, ადამიანების გამძლეობა და პოზიტიურ ხასიათზე ყოფნა გაცილებით მნიშვნელოვანია.

1739197031

საფოსტო გადაზიდვების თანამშრომელს 24 მილიონის ქურდობისთვის ხუთწლიანი პატიმრობა მიესაჯა (უცხოეთი)

ამერიკის შეერთებული შტატების საფოსტო გადაზიდვების (USPS) თანამშრომელი,რომელიც დააკავეს 24 მილიონი დოლარის ღირებულების ჩეკების ქურდობისთვის, პატიმრობა მიუსაჯეს.  ინფორმაციას ოფიციალური პირები ავრცელებენ.კაცი, რომელიც USPS-ში მუშაობდა, წლების განმავლობაში, სისტემატურად ქურდავდა კომპანიას, რაც მას საშუალებას აძლევდა საკმაოდ დიდი თანხა გამოემუშავებინა. როგორც გაირკვა, რომ კომპანიის ძარცვასთან ერთად, ის იპარავდა,როგორც პირად გადარიცხვებს, ასევე, აშშ-ის  ფინანსთა სამინისტროს მიერ გაცემულ ჩეკებსაც.სასამართლომ მას 5 წლით სასჯელი მიუსაჯა. 

1739195424

სიცილიაში 2000 წლის ნიღაბი აღმოაჩინეს - იგი მედუზას გამოსახავს

არქეოლოგებმა სიცილიის ქალაქ ლიკატაში (ძველი ფინციადე) 2000 წლის წინანდელი ნიღბის ფორმა იპოვეს, რომელიც, სავარაუდოდ, მითოლოგიურ მედუზას ასახავს.სპეციალისტების თქმით, ნაპოვნი არტეფაქტი ბერძნულ-რომაული კულტურული გავლენების შერწყმის მნიშვნელოვან მტკიცებულებას წარმოადგენს.აღმოჩენა ანტიკური ბერძნული ქალაქის სახელოსნოში  მოხდა, სადაც ნიღბების წარმოება მიმდინარეობდა.ფინციადე ძველი წელთაღრიცხვით 282 წელს დაარსდა და მნიშვნელოვანი სავაჭრო ცენტრი იყო.

1739192754

VIDEO: ინდოეთში, მსოფლიოს ყველაზე დიდი ფესტივალი მიმდინარეობს

კუმბა-მელა, ანუ "ქოთნის დღესასწაული", მომლოცველთა გრანდიოზული შეკრებაა ინდოეთში. ის მრავალი საუკუნეა იმართება, მაგრამ მხოლოდ ბოლო ათწლეულებია, რაც მას ათეულობით მილიონი კაცი ესწრება.კუმბა-მელა, რომელიც იუნესკომ კაცობრიობის არამატერიალური კულტურული მემკვიდრეობის სიაში შეიტანა, მსოფლიოში ყველაზე დიდ რელიგიურ შეკრებად ითვლება.ინდოეთში მიმდინარე კუმბა-მელა 45 დღე გრძელდება. ფესტივალში ასობით მილიონი ადამიანი მონაწილეობს, რომლებიც წმინდა მდინარეებში ბანაობენ სულიერი განწმენდისთვის.2025 წლის ღონისძიება 13 იანვარს დაიწყო და 26 თებერვლამდე გაგრძელდება. ფესტივალზე განსაკუთრებული ყურადღება გამახვილებულია უსაფრთხოებაზე და ინფრასტრუქტურულ მოწყობაზე.