თურქეთში, 14 წლის გოგო გარდაიცვალა - ძლიერი მიწისძვრის რა დეტალებია ცნობილი ამ დროისთვის

თურქეთში ძლიერი მიწისძვრა მოხდა. მიწისძვრის სიმძლავრემ 6.2 მაგნიტუდა შეადგინა.

თურქეთის საკურორტო ქალაქ მარმარისში მიწისძვრის შედეგად სულ მცირე 69 ადამიანი დაშავდა, - ამის შესახებ თურქეთის შინაგან საქმეთა მინისტრმა ალი იერლიკაიამ სოციალურ ქსელ X-ში განაცხადა.

მიწისძვრა სამშაბათს, 3 ივნისს, ღამით დაიწყო. პანიკაში მყოფი ადამიანები მაღალი შენობების ფანჯრებიდან ხტებოდნენ. 55 ადამიანი დაშავდა და საავადმყოფოში მოათავსეს.

ასევე ცნობილია, რომ 14 წლის გოგონა ბიძგების შემდეგ პანიკური შეტევის შედეგად გარდაიცვალა.