„უშვილოებს შვილი მისცემიათ, სნეულთ კურნება მიუღიათ...“ - ლოცვა, რომელიც დღეს უნდა წაიკითხოთ

14 სექტემბერს საეკლესიო ახალი წელიწადია. ეს დღე, უფლის მიერ დადგენილ წმინდა დღესასწაულია. ჯერ კიდევ ძველი აღთქმის ისრაელს უბრძანა ღმერთმა, განსაკუთრებით ეზეიმა მეშვიდე თვის დადგომა – ანუ მარტიდან, (ქვეყნის შესაქმის თვიდან) მეშვიდე თვე – სექტემბერი.

„ყოვლისა დაბადებულისა შემოქმედო, ჟამთა და წელთა თვისითა ხელმწიფებითა დამსხმელო, აკურთხე გვირგვინი ამის წელიწდისა სიტკბოებითა შენითა უფალო, დაიცევ მეფე და სამწყსო შენი, რომელი გევედრებიან ღმრთის-მშობელისა მიერ, დიდისაებრ წყალობისა შენისა.“

14 სექტემბერს არის ასევე ღვთისმშობლის სასწაულთმოქმედი ხატის „შენ ხარ ვენახის“ ხსენების დღე.
ამ ხატის წინაშე აღესრულება უამრავი სასწაული – უშვილოებს შვილი მისცემიათ, სნეულთ კურნება მიუღიათ. ხშირია ხატიდან მირონდენა.

ლოცვა, რომელიც უნდა წაიკითხოთ:

„შენ ხარ ვენახი, ახლად აღორძინებული, წმიდაო ქალწულო, მადლმოსილო, პატიოსანო! კაცთა მეოხო, ღმრთივ-გამოარჩეულო! ხეო ტკბილის-ნაყოფო, სამოთხის რეროო, ყვავილო სურნელოვანო! მისა მიმართ, რომელმაც შგმოსა შენ ვითარცა პორფირებითა ბრწყინვალედ და ყოვლად-დიდებულად, მეოხ-გვეყავ, დედოფალო, სოფლისა პატრონო, მფარველო და საავდროო ჩვენთვის, ცოდვილთა!“