,,მიმდინარეობს სხვადასხვა ვერსიებზე მუშაობა...“ - რა ეტაპზეა გამოძიება დიდ დიღომში გარდაცვლილი 12 წლის გოგონას საქმეზე

დიდ დიღომში გადაცვლილი 12 წლის გოგონას ექსპერტიზის დასკვნას ოჯახი და ადვოკატები დაახლოებით 10 დღეში ელოდებიან.

ამის შესახებ ,,პრაიმტაიმს“ ოჯახის ადვოკატმა ელისო რუხაძემ განუცხადა.

,,მიმდინარეობს სხვადასხვა ვერსიებზე მუშაობა. ჩვენ, დაზარალებული მხარე ვშუამდგომლობთ რიგ საკითხებზე და გვაქვს ჩვენი პოზიცია და ახლა, მთავარი ექსპერტიზების დასკვნაა.

ექსპერტიზას ერთი თვიდან 2 წლამდე პერიოდიც კი სჭირდება, აბსოლუტურად ინდივიდუალური ამბავია. ვვარაუდობთ, რომ დაახლოებით 10 დღეში მზად იქნება“, - ამბობს ჩვენთან საუბრისას ადვოკატი ელისო რუხაძე.