გირაოს გადაუხდელობის გამო, ნიკა გვარამია დააკავეს

გირაოს გადაუხდელობის გამო, "კოალიცია ცვლილებისთვის" ლიდერი დააკავეს. მას საქალაქო სასამართლომ აღკვეთის ღონისძიება - გირაო პატიმრობით დღეს შეუცვალა.

გვარამია სასამართლოს სხდომას არ დასწრებია, მას ხელბორკილები რუსთავის მე-12 პენიტენციურ დაწესებულებასთან დაადეს, სადაც თავად მივიდა.

ნიკა გვარამიას დროებით საგამოძიებო კომისიაზე გამოუცხადებლობას ედავებიან. მის წინააღმდეგ საქმე 349-ე მუხლით არის აღძრული.

"კოალიცია ცვლილებისთვის" ლიდერს 30 000-ლარიანი გირაო ჰქონდა შეფარდებული, რომელიც მან არ გადაიხადა.