შინდისში სასმელი წყლის სისტემის მოწყობა მიმდინარეობს

შინდისში სასმელი წყლის სისტემის მოწყობა მიმდინარეობს, - ინფორმაციას გორის მუნიციპალიტეტის მერია ავრცელებს.

„პროექტის ფარგლებში მოეწყობა ჭაბურღილი, საქლორატორო, სადაწნეო კოშკი, გამანაწილებელი ქსელი და დამონტაჟდება ინდივიდუალური მრიცხველები.

სამუშაოების დასრულების შემდეგ სოფელში მცხოვრები 120 - მდე ოჯახი განახლებული წყალმომარაგების სისტემით ისარგებლებს.

სამუშაოები გორის მუნიციპალიტეტისა და რეგიონებში განსახორციელებელი პროექტების ფონდის თანადაფინანსებით ხორციელდება

გარდა შინდისისა, მიმდინარე წელს სასმელი წყლის სისტემების მოწყობა/რეაბილიტაცია მიმდინარეობს კიდევ 8 სოფელში - ერგნეთი, ფლავისმანში, ქვემო არცევში, ფლავში, დიცში, აძვში, კოშკასა და ქვეშში“, - აღნიშნულია გავრცელებულ ინფორმაციაში.