პარლამენტის რეგლამენტში შესატანი ცვლილებების თაობაზე დაინიცირებულ კანონპროექტს, საპროცედურო საკითხთა და წესების კომიტეტი მეორე მოსმენით დღეს განიხილავს

საპროცედურო საკითხთა და წესების კომიტეტი დღეს საქართველოს პარლამენტის რეგლამენტში შესატანი ცვლილებების თაობაზე დაინიცირებულ კანონპროექტს მეორე მოსმენით განიხილავს. კანონპროექტის მიზანი პარლამენტის საზედამხედველო ფუნქციის გაუმჯობესებაა.

ახალი რეგლამენტით გაიზრდება ინტერპელაციების რაოდენობა, ასევე გაუქმდება მინისტრის საათი და დეპუტატებს შეეძლებათ პრემიერი, მინისტრები და ანგარიშვალდებული პირები საჭიროების შემთხვევაშ პარლამენტში ყოველ სასესიო კვირას დაიბარონ.

მმართველი პარტიის წარმომადგენელთა შეფასებით, ახალი რეგლამენტი მეტად მოქნილს გახდის პარლამენტს.