ნიკოლოზ სამხარაძე - „ალდე“ ყოველგვარი მტკიცებულების გარეშე აჩვენებს, თითქოს, თვითმმართველობის არჩევნები გაყალბებულია, ყველამ კარგად იცის, არანაირი გაყალბება არ ყოფილა

„ალდე“-ს მხრიდან კიდევ ერთი უსუსური მცდელობაა, რომ ქართულ სახელმწიფოზე შეტევა მიიტანოს, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.

მისივე თქმით, „ალდეს“ განცხადებებს მნიშვნელობა არ აქვს.

„ალდე“-ს მხრიდან კიდევ ერთი უსუსური მცდელობაა, რომ ქართულ სახელმწიფოზე შეტევა მიიტანოს. რაც ყველაზე მთავარია, შეტევა მიიტანონ ქართველი ხალხის ნებაზე. ისინი ყოველგვარი დასაბუთების და მტკიცებულების გარეშე აჩვენებენ, რომ თითქოს, თვითმმართველობის არჩევნები გაყალბებულია. ყველამ კარგად იცის, რომ არანაირი გაყალბება არ ყოფილა, არც საპარლამენტო და არც თვითმმართველობის არჩევნებზე. სამწუხაროა, როცა ვხედავთ, რომ მსგავსი ორგანიზაციები ფაქტისა და მტკიცებულების გარეშე პოლიტიკურ განცხადებებს აკეთებენ, რომლის უკან არანაირი მტკიცებულება და ფაქტი არ არის. პირიქით, ეს ყველაფერი ამ ორგანიზაციების დისკრედიტაციას ახდენს.  ეს განცხადება ჩვენთვის არაფერს ნიშნავს, მათთვის ეს იმიჯის შელახვაა“, – განაცხადა სამხარაძე.