ბესიკ კალაძე: ძალისხმევას არ დავაკლებ, რათა გლდანი კიდევ უფრო მეტად განვითარდეს და გალამაზდეს - მადლობა დედაქალაქის მერს, ბატონ კახა კალაძეს და თბილისის საკრებულოს გამოცხადებული ნდობისთვის

ჩემთვის უდიდესი პატივი და პასუხისმგებლობაა კვლავ გლდანის რაიონის გამგებლად დანიშვნა, - წერს სოციალურ ქსელში ბესიკ კალაძე. გლდანის გამგებელი კახა კალაძეს და თბილისის საკრებულოს გამოცხადებული ნდობისთვის მადლობას უხდის.

„ჩემთვის უდიდესი პატივი და პასუხისმგებლობაა კვლავ გლდანის რაიონის გამგებლად დანიშვნა. მადლობა დედაქალაქის მერს, ბატონ კახა კალაძეს და თბილისის საკრებულოს გამოცხადებული ნდობისთვის.

კახა კალაძის მერობის პერიოდში გლდანის რაიონში განხორციელდა არაერთი მნიშვნელოვანი და მასშტაბური პროექტი. აღნიშნული დინამიკა აქტიურად გრძელდება და პირადად მე, ძალისხმევას არ დავაკლებ, რათა გლდანი კიდევ უფრო მეტად განვითარდეს და გალამაზდეს“, - წერს ბესიკ კალაძე.