VIDEO: უკრაინელებმა ხერსონის ოლქის ერთ-ერთი დასახლებული პუნქტი გაათავისუფლეს

უკრაინის შეიარაღებულმა ძალებმა რუსი სამხედროებისგან გაათავისუფლეს ხერსონის ოლქის სოფელი ივანოვკა. ამის შესახებ უკრაინული მედია წერს და ადგილიდან ვიდეოსაც აქვეყნებს.

ამასთან, შეიარაღებული ძალების სამხრეთის სარდლობა იუწყება, რომ უკრაინელმა სამხედროებმა ხერსონის ოლქში ავიაციის გამოყენებით იერიში მიიტანეს რუსეთის საარტილერიო ბრიგადის სამეთაურო-სამეთვალყურეო და რუსეთის ეროვნული გვარდიის საკონტროლო-სამეთაურო პუნქტებზე.

სარდლობის თანახმად, განადგურებულია 38 რუსი სამხედრო, 4 ჰაუბიცა, ზალპური ცეცხლის რეაქტიული სისტემა, 5 სამხედრო მანქანა და საბრძოლო მასალების 2 საწყობი.