უსაფრთხოების პირობების გამო წითელი ჯვარი ​მარიუპოლამდე კვლავ ვერ აღწევს

წითელი ჯვრის საერთაშორისო კომიტეტის მცდელობები, მიაღწიოს ალყაში მოქცეულ ქალაქ მარიუპოლამდე, კვლავ ჩაიშალა. ამის შესახებ CNN წერს.

„უსაფრთხოების პირობებიდან გამომდინარე, ჩვენმა გუნდმა დღეს მარიუპოლამდე ვერ მიაღწია“, - ნათქვამია მათ განცხადებაში.

გუნდი შაბათიდან ცდილობს ქალაქში შესვლას, რათა მოსახლეობა საჭირო ჰუმანიტარული დახმარებით უზრუნველყოს და ხელი შეუწყოს მშვიდობიანი მოსახლეობის ევაკუაციას, რომლებიც რჩებიან ქალაქში.