ცნობილია, ვინ არის უკრაინაში დაღუპული კიდევ ერთი ქართველი

უკრაინაში, რუსი ოკუპანტების წინააღმდეგ ბრძოლისას კიდევ ერთი ქართველი მებრძოლი დაიღუპა. ცნობილია, რომ ქართველი სამხედრო კრამატორსკთან მიმდინარე შეტაკებებისას ორი დღის წინ დაიჭრა და მისი გადარჩენა ვერ მოხერხდა. ქართველი მებრძოლი სენაკელი, 55 წლის გელა გოგიაა.

ქართველის დაღუპვის შესახებ ინფორმაცია რამდენიმე საათის წინ გავრცელდა, თუმცა გამომდინარე იქედან რომ საქართველოში ოჯახის წევრებმა არ იცოდნენ, „პრაიმ თაიმმა“ მისი ვინაობა არ დაასახელა.

უკრაინაში მყოფი მებრძოლების ცნობით, 25 აგვისტოს, შეტაკებებისას დაიჭრა კიდევ 4 ქართველი ჯარისკაცი, რომლებიც სხვა დანაყოფის შემადგენლობაში იბრძოდნენ. დაიღუპა მათთან ერთად მებრძოლი აზერბაიჯანის მოქალაქე.