1775129743

ზუგდიდში ავტომობილი არასრულწლოვანს დაეჯახა - ვითარება ადგილზე

ზუგდიდში, ცენტრალურ ზვიად გამსახურდიას გამზირზე ავტომობილი არასრულწლოვანს დაეჯახა.საგამოძიებო მოქმედებები ქალაქის ცენტრში ამ დრომდე მიმდინარეობს.პერიმეტრი კი ყვითელი ლენტითაა შემოსაზღვრული.არასრულწლოვანი ბავშვის მდგომარეობა სტაბილურია, იგი სასწრაფო დახმარების ბრიგადამ რუხის რესპუბლიკურ საავადმყოფოში გადაიყვანა.

1775111606

ბაღდათში, მაშველებმა მდინარეში ქალის ცხედარი იპოვეს

ბაღდათის მუნიციპალიტეტის სოფელ როკითში, მაშველებმა ქალის ცხედარი იპოვეს. ცხედარი მდინარიდან უკვე ამოასვენეს.არსებული ინფორმაციით, სოფელ დიმში მცხოვრები, დაახლოებით, 50 წლამდე ასაკის ქალი ხიდიდან მდინარე ხანისწყალში გადახტა და დაიღუპა.სოფელში მერის წარმოადგენელის, დავით კოხოძის თქმით, მაშველების მიერ ნაპოვნი ქალის ცხედარი ცოტა ხნის წინ ექსპერტიზაზე გადაასვენეს.სხვა დეტალები ჯერჯერობით უცნობია.

1775065252

ზუგდიდში ავარიის შედეგად მანქანას ცეცხლი გაუჩნდა - რა ხდება ამ წუთებში ადგილზე

ავტოსაგზაო შემთხვევა მოხდა რამდენიმე წუთის წინ ზუგდიდში, ე.წ. საკონსერვოს დასახლებაში.თვითმხილველის ინფორმაციით, ერთმანეთს ორი ავტომობილი შეეჯახა, აქედან ერთს ცეცხლი გაუჩნდა.ადგილზე სამართალდამცველები და საგანგებო სიტუაციების მართვის სამსახურის თანამშრომლები არიან მობილიზებულნი.   მეხანძრე-მაშველებმა ხანძარი ჩააქრეს. შემთხვევის შედეგად დაშავებულები კლინიკაში გადაიყვანეს.

1774729734

მამაკაცი, რომელსაც სამი დღის განმავლობაში ეძებდნენ, გარდაცვლილი იპოვეს

სამტრედიის ერთ-ერთ სოფელში, მამაკაცი, რომელსაც სამი დღის განმავლობაში ეძებდნენ, გარდაცვლილი იპოვეს. 28 წლის მამაკაცმა სიცოცხლე, სავარაუდოდ თვითმკვლელობით დაასრულა.გარდაცვლილი ახალგაზრდა 28 წლის ირაკლი მელქაძეა. სამწუხარო ინფორმაცია სოციალურ ქსელში გავრცელდა.„ვუსამძიმრებ ოჯახს ამ დიდ ტკივილს. რა სამწუხაროა ასეთი ახალგაზრდა. უფალმა ნათელი დაუმკვიდროს მის სულს,როგორი ტრაგედია დატრიალდა",- წერს სოციალურ ქსელში გარდაცვლილის ახლობელი.

1774554217

წალენჯიხაში ავარიის შედეგად 6 ადამიანი დაშავდა, მათ შორის არასრულწლოვნები

წალენჯიხის მუნიციპალიტეტში, სოფელ ჯგალთან მომხდარი ავტოსაგზაო შემთხვევის შედეგად დაშავდა 6 პირი, მათ შორის არიან არასრულწლოვნებიც.დაშავებულების ჯანმრთელობის მდგომარეობა დამაკმაყოფილებელია. მათ ნაწილს ადგილზე გაეწია დახმარება. ადგილზე მობილიზებულნი იყვნენ შინაგან საქმეთა სამინისტროს წალენჯიხის პოლიციის დეპარტამენტის თანამშრომლები და სასწრაფოს ბრიგადა.შსს-ში „პრაიმტაიმს“ განუცხადეს, რომ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

1774362534

ავტოსაგზაო შემთხვევის შედეგად სოფელ ხამისკურში ერთი პირი დაიღუპა

ავტოსაგზაო შემთხვევის შედეგად  სოფელ ხამისკურში ერთი პირი დაიღუპა,ხოლო ერთი  დაშავდა. გარდაცვლილია შუა ხნის ასაკის  მამაკაცი.ამასთან, დაშავდა კიდევ ერთი პირი, რომელიც საავადმყოფოში გადაიყვანეს. შინაგან საქმეთა სამინისტროში პრაიმტაიმს განუცხადეს,რომ მომხდარზე დაწყებულია გამოძიება სსკ-ის 276-ე მუხლით.არსებული ინფორმაციით, დაკავებულია მძღოლი."სამწუხაროდ ტრაგიკული შემთხვევა მოხდა ხამისქურის მთავარ საავტომობილო გზაზე. უბედურმა შემთხვევამ შეიწირა ჩვენი თანასოფლელი, უპატიოსნესი კაცი - რადი შელია.',-წერენ სამწუხარო ინფორმაციას სოციალურ ქსელში.

1773862200

სამეგრელოში 29 წლის მამაკაცი სამუშაოს შესრულების დროს დაიღუპა

სამეგრელოს ერთ-ერთ სოფელში, 29 წლის მამაკაცი, სამუშაოს შესრულების დროს გარდაიცვალა. არსებული ინფორმაციით, ახალგაზრდა კაცი დენის დარტყმის შედეგად გარდაიცვალა. უბედური შემთხვევა დილის საათებში მოხდა. „ირაკლი, შენთვის ძალიან ადრე იყო ამ ქვეყნიდან წასვლა, ღმერთმა ნათელში გამყოფოს. ძალიან დაგვწყვიტე გული“,- წერს ახლობელი სოციალურ ქსელში.ცხედარი გადასვენებულია ქუთაისში ექსპერტიზაზე. ფაქტთან დაკავშირებით მიმდინარეობს გამოძიება. 

1773584087

ძლიერმა ქარმა სამტრედიაში პრობლემები შექმნა

სამტრედიაში, ერთ-ერთ სკვერთან, ძლიერმა ქარმა ხე წააქცია. ტერიტორიაზე, სადაც ხე წაიქცა, სამშენებლო სამუშაოები ტარდებოდა.შემთხვევის შედეგად არავინ დაშავებულა. ჯერჯერობით უცნობია, ძლიერი ქარის შედეგად,თუ რა პრობლემები შეიქმნა მუნიციპალიტეტის სხვა ტერიტორიებზე.მერიის შესაბამისი სამსახურები 24-საათიან რეჟიმზე არიან გადასულები.

1773515158

ადგილზე რამდენიმე სახანძრო-სამაშველო ბრიგადა მუშაობდა - სამტრედიის სოფელში ხანძარი იყო

სამტრედიაში, სოფელ კეთილაურში, ცეცხლი სასაფლაოს ტერიტორიაზე, ბალახებს გაუჩნდა. ამ დროისთვის ხანძარი ლიკვიდირებულია. ადგილზე რამდენიმე სახანძრო-სამაშველო ბრიგადა მუშაობდა. რა გახდა ხანძრის გამომწვევი მიზეზი, ჯერჯერობით უცნობია.

1773428777

„ახლა ყველაზე მეტად უნდა გეხარა შენი ცხოვრებით...“ - 20 წლის გოგოს გლოვობენ

ქუთაისში, ერთ-ერთ კლინიკაში მშობიარობის შემდგომი გართულების შედეგად გარდაცვლილი ახალგაზრდა ქალი ლიკა ტალახაძეა.არსებული ინფორმაციით, ქალმა ორი კვირის წინ სენაკის სამშობიარო სახლში იმშობიარა.რამდენიმე დღის წინ კი მისი მდგომარეობა გართულდა და ქუთაისში გადაიყვანეს, სადაც ექიმებმა მისი გადარჩენა ვერ შეძლეს.„ახლა როცა ყველაზე მეტად უნდა გეხარა შენი ცხოვრებით, წახვედი. ჯერ ადრე იყო შენთვის. ლიკუ, ყველაფერი წინ გქონდა… რას წარმოვიდგენდი, შენზე თუ მომიწევდა ამ სიტყვების დაწერა, ვიცი ერთ დღეს შევხვდებით და ყველაფერს გეტყვი რისი თქმაც ვერ მოვასწარი“,- წერს ახლობელი სოციალურ ქსელში.

1772899990

ხობის პირველი საჯარო სკოლა სამწუხარო ინფორმაციას ავრცელებს

ხობის პირველი საჯარო სკოლის კოლექტივი სამწუხარო ინფორმაციას ავრცელებს სკოლის 2 პედაგოგის გარდაცვალების შესახებ.„მზე ჩასვლის შემდეგაც რჩება მნათობად..!" სსიპ ქალაქ ხობის N1 საჯარო სკოლის ორი არაჩვეულებრივი მასწავლებელი გადასახლდა ზესთასოფელში: ქალბატონი რუსიკო ჯიქია და ახლად შესვენებული ქალბატონი ლუიზა ხასია. ადამიანები ,რომლებიც მრავალი წლის განმავლობაში ერთგულად და სიყვარულით ემსახურებოდნენ მომავალი თაობების აღზრდის საქმეს. ვუსამძიმრებთ ოჯახებს, ახლობლებს , ყოფილ მოსწავლეებს. ვიზიარებთ მათ მწუხარებას... მზე ჩასვლის შემდეგაც რჩება მნათობად..!", მშვიდად განისვენეთ...",-ვკითხულობთ სამძიმარში.

1772697488

ტრაგედია სენაკში - ხანძარს ერთი ადამიანი ემსხვერპლა

სენაკში გვიან ღამით გაჩენილი ხანძრის შედეგად 70 წლამდე მამაკაცი დაიღუპა.ცეცხლი ე.წ.“ნატოჩაოს უბანში” ერთ-ერთ შენობას გაუჩნდა.მამაკაცმა, რომელიც აღნიშნულ შენობაში დარაჯად მუშაობდა, შენობიდან გამოსვლა ვეღარ შეძლო. გარდაცვლილი ადგილობრივი მკვიდრია. უცნობია, თუ რა გახდა ხანძრის გამომწვევი მიზეზი.