რუსეთმა უკრაინას 1000 დაღუპული უკრაინელის ცხედარი დაუბრუნა

რუსეთის ფედერაციამ უკრაინულ მხარეს ომში დაღუპული 1000 უკრაინელი ჯარისკაცის ცხედარი გადასცა. ინფორმაციას უკრაინული მედია უკრაინის სამხედრო ტყვეებთან მოპყრობის საკოორდინაციო შტაბზე დაყრდნობით ავრცელებს.

უკრაინული მხარის მტკიცებით, ცხედრებს მალე ექსპერტიზა ჩაუტარდება, რის შედეგადაც გარდაცვლილი ადამიანების იდენტიფიკაცია შესაძლებელი გახდება.

ცხედრების დაბრუნება უკრაინის შეიარაღებული ძალების, შინაგან საქმეთა სამინისტროს, ომბუდსმენის და სხვა უწყებების კოორდინირებული მუშაობის შედეგად გახდა შესაძლებელი.