ზელენსკიმ რუსტემ უმეროვი უკრაინის ეროვნული უსაფრთხოებისა და თავდაცვის საბჭოს მდივნად დანიშნა

ვოლოდიმირ ზელენსკიმ უკრაინის ყოფილი თავდაცვის მინისტრი რუსტემ უმეროვი უკრაინის ეროვნული უსაფრთხოებისა და თავდაცვის საბჭოს მდივნად დანიშნა. ინფორმაციას ამის შესახებ უკრაინული მედია ავრცელებს.

უკრაინის პრეზიდენტის დადგენილების მიხედვით, უმეროვმა ალექსანდრ ლიტვინენკო შეცვალა.

ამასთან, უკრაინის ახალი თავდაცვის მინისტრი დენის შმიგალი გახდა. ხოლო უკრაინის პრემიერ-მინისტრის თანამდებობაზე იულია სვირიდენკო დაინიშნა.