ტრამპი: ღაზის საკითხი აშშ-ს, „ჰამასსა“ და ისრაელს შორის მასშტაბური მოლაპარაკების შუაგულშია, რეალურად, ჩართულია ირანიც, ჩვენ გვინდა, მძევლები დავაბრუნოთ

აშშ-ის პრეზიდენტის, დონალდ ტრამპის განცხადებით, ისრაელსა და „ჰამასს“ შორის ცეცხლის შეწყვეტის შესახებ მოლაპარაკებებში ირანიც არის ჩართული.

აღნიშნულის შესახებ დონალდ ტრამპმა ჟურნალისტებს განუცხადა.

„ამ დროისთვის ღაზის საკითხი ჩვენ, „ჰამასსა“ და ისრაელს შორის მასშტაბური მოლაპარაკების შუაგულშია და ირანი, რეალურად, ჩართულია. ვნახავთ, რა მოხდება ღაზასთან დაკავშირებით. ჩვენ გვინდა, მძევლები დავაბრუნოთ. ეს არის ყველაფერი, რაც შემიძლია, გითხრათ“, – განაცხადა ტრამპმა.

ტრამპს დამატებით დეტალებზე კომენტარი არ გაუკეთებია.