ტრამპი აცხადებს, რომ მზად არის ირანის ეკონომიკა დაანგრიოს, „რადგან გამარჯვება სურს“

აშშ-ის პრეზიდენტი, დონალდ ტრამპი აცხადებს, რომ მზად არის ირანის ეკონომიკა დაანგრიოს, „რადგან გამარჯვება სურს“.

ჟურნალისტებმა აშშ-ის პრეზიდენტს ომის შესახებ დამატებითი კითხვები დაუსვეს, ერთ-ერთი კითხვა კი ირანის ეკონომიკურ მდგომარეობას ეხებოდა.

ირანის ეკონომიკაზე საუბრისას ტრამპმა თქვა: „იმედი მაქვს, ის ჩამოიშლება“, რის შემდეგაც ქვეყნისთვის დაწესებულ სანქციებს „უზარმაზარი“ და „დიდებული“ უწოდა.

მოგვიანებით მან განაცხადა: „მათი ვალუტა გაუფასურებულია. ინფლაცია, ალბათ, 150%-ია... ისინი ჯარისკაცებს ხელფასებს ვერ უხდიან. მათ არ შეუძლიათ ჯარისკაცებს გადაუხადონ. ფული არაფრად ღირს“.