მედვედევის უაღრესად პროვოკაციული განცხადებების საფუძველზე, ორი ატომური წყალქვეშა ნავის შესაბამის რეგიონებში განთავსების თაობაზე განკარგულება გავეცი - ტრამპი

რუსეთის ყოფილი პრეზიდენტის, დიმიტრი მედვედევის უაღრესად პროვოკაციული განცხადებების საფუძველზე, ორი ატომური წყალქვეშა ნავის შესაბამის რეგიონებში განთავსების თაობაზე განკარგულება გავეცი, ყოველი შემთხვევისთვის, თუ ეს უგუნური განცხადებები უბრალო სიტყვებზე მეტი აღმოჩნდება, - განაცხადა აშშ-ის პრეზიდენტმა, დონალდ ტრამპმა.

„სიტყვებს დიდი ძალა აქვს და ხშირად მოულოდნელ შედეგებამდე მივყავართ. იმედი მაქვს, ეს ერთ-ერთი ასეთი შემთხვევა არ იქნება“, - დასძინა დონალდ ტრამპმა.