იაპონიის პრემიერის საჯარო გამოსვლის ადგილის მახლობლად აფეთქება მოხდა

იაპონიის ქალაქ ვაკაიამაში ქვეყნის პრემიერ-მინისტრის, ფუმიო კიშიდას საჯარო გამოსვლის ადგილის მახლობლად აფეთქება მოხდა.

ადგილობრივი მედიის ცნობით, შემთხვევის შედეგად არავინ დაშავებულა. პრემიერ-მინისტრი ფუმიო კიშიდა უსაფრთხო ადგილას, შემდეგ კი პოლიციის განყოფილებაში გადაიყვანეს, სადაც ის გარკვეული დროის განმავლობაში რჩებოდა.

სამართალდამცველებმა ინციდენტის ადგილზე ერთი ადამიანი დააკავეს.