1743971530

3 საკვები, რომელიც თავის ტკივილს იწვევს

თავის ტკივილი 200-ზე მეტი დაავადების სიმპტომია. ზოგიერთი სახის თავის ტკივილი შეიძლება იყოს მემკვიდრეობითი, მაგალითად შაკიკი. ასე რომ, ადამიანი მემკვიდრეობით იღებს გარკვეულ გენებს, რომლებიც გარკვეულ გარემოებებში იწვევს თავის ტკივილის შეტევებს.შაკიკი შეიძლება გამოიწვიოს წითელი ღვინოს, შოკოლადის, ყველის მიღებამ, ასევე სტრესმა და სხვა მიზეზებმა.თავის ტკივილი შეიძლება ასოცირებული იყოს საყრდენ-მამოძრავებელ სისტემასთან,განსაკუთრებით ხერხემლის კისრის ნაწილთან. თუ ადამიანი არასწორად ზის, მოძრაობს ან მუშაობს არასწორ მდგომარეობაში, მაშინ კუნთები, პირველ რიგში, ხერხემლის კისრის ნაწილის კუნთებში ასიმეტრიულად დაძაბულია. ეს იწვევს თავის ტკივილს, რომელსაც ექიმები "ცერვიკოგენურს" უწოდებენ.რეგულარული თავის ტკივილი მიუთითებს ორგანიზმში არსებულ პრობლემებზე. ეს შეიძლება გამოწვეული იყოს მაღალი წნევით, ქრონიკული სტრესით და ძლიერი ემოციებით. ეს შესაძლოა გარე ფაქტორებითაც იყოს განპირობებული, მაგალითად, როდესაც ადამიანი ყოველდღიურად იმყოფება დამძიმებულ სამუშაო პირობებში და ასრულებს მძიმე, ხშირად ინტელექტუალურ სამუშაოს.ნევროლოგების მიერ გამოყენებული გარკვეული დიაგნოსტიკური ალგორითმი ხელს შეუწყობს საშიში სიმპტომების იდენტიფიცირებას.ნებისმიერი მუდმივი თავის ტკივილისას უნდა მიმართოთ სპეციალისტს. ზოგიერთი პაციენტი თვითმკურნალობს - ღებულობს ანალგეტიკებს. სათანადო მკურნალობის არარსებობის გამო ავადმყოფებს უვითარდებათ დაავადება... 

1743627858

როგორ ხდება საეკლესიო ქორწინების შეწყვეტა - ყველაფერი „ჯვრის აყრის“ შესახებ

ყველა ქორწინებას ბედნიერი დასასრული არ აქვს -  სამწუხაროდ, ზოგჯერ ეს განქორწინებით სრულდება. ჯვარდაწერილი წყვილის შემთხვევაში დაშორებას ჯვრის აყრაც მოსდევს. საზოგადოებაში დამკვიდრებულ ტერმინს „ჯვრის აყრას“ პირდაპირი მნიშვნელობა არ აქვს, რადგან ეკლესია მიიჩნევს, რომ საიდუმლოს გაუქმება და წაშლა, შეუძლებელია. როგორ ხდება საეკლესიო ქორწინების შეწყვეტა, ამის შესახებ მღვდელი გიორგი ბერაძე საუბრობს:„ზოგადად, ასეთი პრაქტიკა, ჯვრის აყრა, რაიმე რიტუალი, პროცედურა, გამოლოცვა არ არსებობს. უბრალოდ, ჯვრის აყრას უწოდებენ იმ მდგომარეობას, როდესაც, სამწუხაროდ, ცოლ-ქმარს შორის გარკვეული გაუგებრობები მოხდა, ისინი ერთად ვეღარ იცხოვრებენ, ფაქტობრივად, ერთად აღარ არიან და ერთ-ერთი მეუღლე ახალ ქორწინებაში შესვლას აპირებს. სწორედ, ამ დროს, ახალი ქორწინებისთვის ხდება კურთხევა და არა ჯვრის აყრა. როგორც სამოქალაქო სამართალშია განქორწინება, ამ შემთხვევაში, ეგრე არ არის - ჯვარი აიყარონ და აღარ იყოს დაწერილი... საიდუმლოს გაუქმება და წაშლა არ ხდება. მხოლოდ და მხოლოდ, ადამიანების უძლურებიდან გამომდინარე, ხდება კურთხევა ახალ ქორწილზე“, - განმარტავს მოძღვარი.

1743627736

დადეთ ბალიში ამ ადგილას ძილის დროს და შედეგი გაგაკვირვებთ - როგორ გააუმჯობესოთ ძილის ხარისხი

ძილის დროს ბალიში უნდა დაიდოთ არა მარტო თავის ქვეშ, არამედ ფეხებშიც. რელაქსაციის ეს მეთოდი მართლაც სასარგებლოა. რატომ უნდა მოათავსოთ ბალიში ფეხებს შორის?თუ ბალიშს ფეხების შუაში მოათავსებთ, ეს საკმაოდ კომფორტული იქნება, რადგან მცირდება წნევა და კუნთების დაძაბულობა სხეულში. შედეგად მთელი ღამე კარგად დაიძინებთ და არ გაგეღვიძებათ ძილის პროცესში.თუ ზურგი გტკივათზურგით ძილი იწვევს დისკომფორტს, ადამიანი ტრიალებს და ვერ ისვენებს. მუხლებს შორის ბალიშის მოთავსებით ზურგისთვის უფრო ნეიტრალურ პოზიციას ვქმნით. ფეხების და მენჯის უკეთესი პოზიციაროდესაც გვძინავს გვერდზე, ერთი ფეხი მეორესთან შეტყუპებულია, ხერხემალი იკუმშება. ფეხებს შორის ბალიშით ძილი უზრუნველყოფს თქვენი ფეხებისა და მენჯის გასწორებას. შედეგად თქვენ გაიღვიძებთ სხეულის ტკივილის გარეშე.არანაირი "სისხლის სტაგნაცია"ფეხებს შორის ბალიშის მოთავსება ხელს უწყობს სისხლის სწორ მიკროცირკულაციას. და ეს არის ვენური სტაგნაციის, ვარიკოზული ვენების და სისხლის კოლტების წარმოქმნის პრევენცია. ეს ასევე ხელს უშლის კუნთების კრუნჩხვას და საჯდომის ნევრალგიას.

1743627403

ვის ხარჯზე იკვებებოდა თამარ მეფე და რატომ არ ეძინა მას ღამღამობით

დავით აღმაშენებელი რომ თორმეტი მეფის ხელმწიფედ მიიჩნეოდა, ამის შესახებ ქართულ წყაროებში გვაქვს ცნობები („დავით აღმაშენებლის ეპიტაფია“ და „ხელმწიფის კარის გარიგება“). საკრალურ რიცხვ თორმეტთან კავშირი აქვს თამარ მეფესაც. თამარ მეფე ძალიან მორწმუნე იყო, ვერ მოხიბლა ჩვენი ხელმწიფე წუთისოფლის გასართობებმა, ვერც ძალაუფლებამ, ვერც გვირგვინმა და სკიპტრამ, ვერც უამრავმა თვალ-მარგალიტმა, ვერც ჯარის სიმრავლემ და სიძლიერემ.„ვერ შეიტყუა იგი საშუებელმან ამის საწუთროსამან, არცა მეფობამან გჳრგჳნისამან და სკიპტრამან, არცა ქვათა პატიოსანთა უხუად ქონებამან, არცა სპათა სიმრავლემან და ესოდენ სიმჴნემან... ...არა მიდრკა, ვერცა წარიპარა სიმდიდრემან“.მამასავით და თავისი დიდი წინაპრის, ისრაელის ბრძენი მეფე სოლომონის მსგავსად, ბრძენი იყო და მუდმივად ლოცულობდა – „ღამე ყოველ მღჳძარება, ლოცვა, მუჴლთ-დრეკა და ცრემლით ვედრება ღმრთისა ზემდგომრობითა განსაკჳრვებელ აქუნდა“. სახელმწიფო საქმეებისგან თავისუფალ დროს ან ლოცულობდა ან ხელსაქმობდა. ეს გართობა კი არ იყო, არამედ შრომა - უფლისა და ადამიანთა მსახურება.დავით აღმაშენებელი თავის ნანადირევს ჰყიდდა და მოგებულ ფულს ღარიბებს ურიგებდა, რათა პირადად ნაშრომი გაეცა. თამარ მეფეც ღამით ხშირად იღვიძებდა, ლოცულობდა, მეტანიობდა და ყოველ ღამით ხელსაქმობდა - ქსოვდა, კერავდა და მერე გლახაკებს ურიგებდა თავის ნაშრომს.დიდ საქართველოს საკმაოდ დიდი შემოსავალი ჰქონდა, მდიდარი ხაზინა, ბიუჯეტი. ხაზინიდან ფინანსდებოდა ქართული არმიის შენახვა და ლაშქრობები, დაზვერვა, სპეცსამსახურები, გზების გაყვანა, განახლება, ხიდების აგება, წყალგაყვანილობების შექმნა, ქალაქების მშენებლობა, ქუჩების შეკეთება და სხვა.ბიუჯეტის ნაწილი იხარჯებოდა მმართველობის სისტემაზე, სახელმწიფოს აუცილებელ პროექტებზე, ხელქვეითების შენახვასა და სხვა საქმეებზე.მნიშვნელოვანი იყო, ასევე, სასახლეებისა და ცერემონიების ხარჯებიც, რადგან საქართველოში ბევრი ელჩი და სტუმარი ჩამოდიოდა და მათ შესაბამისი დახვედრა სჭირდებოდა. სახელმწიფო ხაზინიდან ფინანსდებოდა კულტურული ღონისძიებები: წიგნების გადაწერა, ხელოვანთა შენახვა, ეკლესია-მონასტრებისა და სასახლეების მოხატვა და გამშვენება. საქართველოს სახელმწიფო დიდი იყო და ტოლს არ უდებდა არც ერთ დიდ სახელმწიფოს ამ საქმეში, შესაძლოა, აჭარბებდა კიდეც. ეკლესიასაც ეხმარებოდნენ - ჰქონდა შეუვალობა, დიდი ქონება და თვითონაც ძალიან ძლიერი იყო. მონასტრებს დიდ შესაწირს სწირავდა მეფე თამარი, აგებდა ტაძრებს. კულტურის განვითარებისთვისაც დიდი თანხები იყო გამოყოფილი.ამ ყველაფერთან ერთად მაშინდელი ბიუჯეტის ძალიან სერიოზული ნაწილი, 10 პროცენტი სოციალური დახმარებებისთვის გამოიყენებოდა, ღატაკთა დახმარებისთვის, ასევე, მნიშვნელოვანი თანხა ხმარდებოდა სამკურნალო დაწესებულებებს. სადაც მკურნალობა, რა თქმა უნდა, იყო უფასო.ამასთან ერთად, თამარი ეწეოდა პირად ქველმოქმედებას, როგორც ადამიანი, ერთი პერსონა და არა როგორც მეფე. თავისი ხელით ქმნიდა ხელმოკლე ადამიანებისათვის ტანსაცმელს, ართავდა, ქსოვდა, კერავდა, ქარგავდა, და თავის პირად ნაშრომს გლახაკებს ურიგებდა.ერთხელ ხანგრძლივი „ლოცვისა და ჴელსაქმარისა მიერ მაშურალმან“ მიიძინა. სიზმარში იხილა ძალიან ლამაზი ადგილი, ყვავილებით, მცენარეებითა და ნერგებით გამშვენებული. იმდენად ლამაზი, მთხრობელი რომ ვერ აღწერს, რადგან შეუძლებელია სამოთხის აღწერა.იდგა ოქროსა და ვერცხლის სარკმლებით შემკული საყდრები. იდგა გამშვენებული სკამები დამსახურებული ადამიანებისთვის, საქმეების მიხედვით მათ დასაფასებლად. სულ მაღლა იდგა ოქროს ტახტი, ყველაზე მაღალი, ლამაზი და საპატიო, შემკული პატიოსანი თვლებითა და მარგალიტებით. ამ სამოთხეში შეიყვანეს იქ შეყვანის ჭეშმარიტად ღირსი ჩვენი დედოფალი. იხილა ტახტები და გაიფიქრა: „მეფე ვარ თვითმპყრობელი და ჩემი არის ეს უზენაესი და უმთავრესი ტახტიო“ და გაემართა მასზე დასაჯდომად. მაგრამ მეფეთ-მეფეს წინ დაუდგა ნათლით მოსილი კაცი, მოჰკიდა ხელი და უთხრა: „შენი არ არის ეს დასაჯდომი, შენ ვერ შეძლებ მის დაკავებას!“ ხელმწიფემ ჰკითხა: „ვინ არის ჩემზე უპატიოსნესი, რომელიც დაიკავებს ამ პატიოსან ტახტს?“ნათლითმოსილმა კაცმა უპასუხა: „ეს ტახტი შენი დიასახლისის, მოსამსახურის არის, რადგან თორმეტ მღვდელს აცვია მის მიერ შექმნილი შესამოსელი და იმ სამოსლით წარდგებიან ტრაპეზთან უსისხლო და პატიოსანი მსხვერპლის შეწირვისას. ამიტომ ეს დედაკაცი შენზე მაღლა დგას. და თუ შენ მეფე ხარ, შენთვის ეს დიდებაც საკმარისია, შენი საყოფი ესაა“ და უჩვენა უფრო მდაბალი დასაჯდომელი.ბერის, მღვდლის, სასულიერო პირის შემოსვა დიდად საპატიო სამსახური იყო. განსაკუთრებით თორმეტი მღვდლისა, რაც ძალიან საკრალური რიცხვია ქრისტიანობისთვის. ამგვარად, თამარ მეფემ სიზმარში, გამოცხადებაში იხილა მისი, როგორც დიდი სახელმწიფოს მეფის, დავალებაც, სასულიერო პირთა შემოსვა-გაძლიერება, თან თორმეტის, მაცხოვრის თორმეტი მოციქულის მსგავსი სიმბოლიკით.გაიღვიძებისთანავე მეფემ მოაყვანინა ის დიასახლისი, რომელმაც აღიარა, რომ თორმეტ მღვდელს შეუქმნა სამღვდელო შესამოსელი სრულად, კვართიდან ფილონამდე და მიუძღვნა. კვართი მღვდლებს აცვიათ ფილონის ქვეშ და ის სიმბოლურად მიანიშნებს მაცხოვრის კვართზე. ფილონი კი უსახელო შესამოსელია, ზემოდან მოსაცმელი მღვდლებისთვის, რომელიც ქრისტეს სუდარის სიმბოლური მინიშნებაა.თამარ შვიდმნათობიერმაც დაიწყო ზრუნვა პირადად, საკუთარი ხელით შექმნილი ტანსაცმლით მღვდლების შემოსვაზე. ალექსანდრიიდან ვაჭართა მიერ შემოტანილი მატყლის დართვა, ნაჭრების დამზადება და თორმეტი სრული სამღვდელო შესამოსლის შეკერვა.რაც ძალიან მნიშვნელოვანია – რა ფასის საჭმელსაც შეჭამდა დღეში, იმ ფასის საქონელს, თავისი ხელით შექმნილს, გაყიდდა ხოლმე და მიღებულ ფულს გლახაკებს აძლევდა, რა თქმა უნდა, ზემოთ აღნიშნული ბიუჯეტის 10 პროცენტის გარდა. ან გლახაკებს უქსოვდა და უკერავდა ტანსაცმელს იმ ფასისას, რასაც ჭამდა. ანუ, უფასოდ ან სახელმწიფოს ხარჯზე არაფერს ჭამდა.ღვთისმსახურება მის სასახლეში დაუკლებლად აღესრულებოდა, როგორც ტიპიკონი მოითხოვს და განწესება პალესტინის მონასტრისა, ზუსტად ისე. სამეფო კარზე მყოფი ვერავინ დააკლდებოდა წირვა-ლოცვას, დილას, სამხრისას, მწუხრისას...ასეთი იყო ჩვენი ხელმწიფე – მეფეთ მეფე და დედოფალთ-დედოფალი თამარი.

1743627342

რატომ ავადდებიან ადამიანები კიბოთი და როგორ ჩნდება კიბო ადამიანის ორგანიზმში

ადამიანის ორგანიზმში კიბო შეიძლება მოხდეს სხვადასხვა მიზეზის გამო, მაგალითად, საკვების კანცეროგენების მოხმარების, მოწევის, ალკოჰოლის ბოროტად გამოყენების, ჰაერის დაბინძურების და ა.შ. უკვე ცნობილია, რომ კიბო უძველესი დაავადებაა. შესაძლებელია, რომ დინოზავრებსაც კიბო დაემართათ, ყოველ შემთხვევაში, როგორც გადაშენებული ქვეწარმავლების ზოგიერთი ნამარხი მიუთითებს. მაგრამ რატომ გაჩნდა კიბო თავიდან? სავარაუდოდ, მიზეზი არ არის ევოლუცია, არამედ უძველესი ვირუსები, რომლებითაც ჩვენი წინაპრები ოდესღაც ავადდებოდნენ. როგორ მოქმედებს ვირუსები სხეულზეროდესაც ვირუსულ ინფექციას ვიღებთ, ჩვენი ორგანიზმი მაშინვე იწყებს მასთან ბრძოლას და ანადგურებს ვირუსებს, სანამ ისინი მთლიანად არ გაქრება. თუმცა, არის სიტუაციები, როდესაც გამოჯანმრთელების შემდეგაც კი, ვირუსები ტოვებენ ნაწილაკებს სხეულში დნმ-ის ფრაგმენტების სახით. ისინი არანაირად არ იჩენენ თავს, ამიტომ საერთოდ არ ერევიან ორგანიზმის ფუნქციონირებაში.ამრიგად, ზოგიერთი ვირუსი იმალება ჩვენს გენომებში და მრავალი წლის განმავლობაში გადაეცემა თაობიდან თაობას. დიდი ხნის განმავლობაში მეცნიერები თვლიდნენ, რომ ისინი სრულიად უუნარონი იყვნენ და რაიმე სახის ზემოქმედებას სხეულზე არ ახდენდნენ. ვარაუდობდნენ, რომ „უსარგებლო“ დნმ იყო უბრალოდ ერთგვარი ვირუსული კვალი, რომელიც ჩვენ მემკვიდრეობით მივიღეთ ჩვენი უძველესი წინაპრებისგან.თუმცა, შემდგომში მეცნიერებმა გაარკვიეს, რომ ამ ვირუსების ხელახლა „ჩართვა“ შესაძლებელია და შემდეგ ისინი ორგანიზმში გარკვეულ ცვლილებებს იწვევენ. მაგალითად, ერთ-ერთმა ბოლო კვლევამ აჩვენა, რომ ამ უსარგებლო დნმ-მ წარმოქმნა ძუძუმწოვრები, რადგან ენდოგენური რეტროვირუსები, ანუ ERV, ხელს უწყობდნენ პლაცენტის ევოლუციას. ეს ნიშნავს, რომ „ზომბი ვირუსების“ გარეშე ადამიანები არასოდეს გაჩნდებოდნენ. ახლა კვლევამ აჩვენა, რომ ეს ვირუსები შესაძლოა კიბოსთან იყოს დაკავშირებული.რატომ ჩნდება კიბო?კოლორადოს უნივერსიტეტის მკვლევრებმა აღმოაჩინეს, რომ „ზომბი ვირუსებს“ შეუძლიათ მნიშვნელოვანი გავლენა იქონიონ სხვადასხვა თანამედროვე დაავადებებზე. მაგრამ ყველაზე გასაკვირი ის არის, რომ კიბოს უჯრედებს შეუძლიათ გამოიყენონ ამ ვირუსების ზოგიერთი ნაწილი თავის სასარგებლოდ.მოგეხსენებათ, ავთვისებიანი უჯრედები ორგანიზმში ყოველთვის არის, მაგრამ იმუნური სისტემა თრგუნავს მათ, ამიტომ ისინი არ გადაიქცევიან კიბოდ. ონკოლოგია ხდება მხოლოდ მაშინ, როდესაც ორგანიზმში ხდება გარკვეული ცვლილებები, რაც ხელს უწყობს დაავადებას. კერძოდ, ცნობილია, რომ კიბოს უჯრედები ააქტიურებს ბევრ გენს, რომლებიც არ უნდა იყოს ჩართული.დიდი ხნის განმავლობაში მეცნიერებმა ვერ გაიგეს, კონკრეტულად რა „ანთებს“ გენებს, რომლებიც კიბოს განვითარებას უწყობს ხელს. ახლა მკვლევრებმა აღმოაჩინეს, რომ მრავალი გენის „აქტივატორი“ ზომბი ვირუსებისგან მოდის.როგორ ეხმარებიან უძველესი ვირუსები კიბოს განვითარებასკვლევაში მკვლევრებმა გააანალიზეს 20-ზე მეტი სხვადასხვა ტიპის კიბოს მონაცემთა ნაკრები და დაადგინეს, რომ ERV-ების ოჯახი სახელწოდებით ხანგრძლივი ტერმინალური გამეორება 10 (LTR10) აქტიური იყო ამ დაავადებებში. ცნობილია, რომ ჩვენი პრიმატების წინაპრები ამ ვირუსით დაახლოებით 30 მილიონი წლის წინ დაინფიცირდნენ.ვირუსის აქტივობის აღმოჩენის შემდეგ, მკვლევრებმა დეტალურად შეისწავლეს პროცესები, რომლებიც ხდება კოლორექტალური კიბოს გენის დონეზე. როგორც გაირკვა, LTR10 არეგულირებს გენების ექსპრესიას, რომლებიც მნიშვნელოვან როლს ასრულებენ სიმსივნეების წარმოქმნაში.რატომ იზრდება კიბოს რისკი ასაკთან ერთად?შეგახსენებთ, რომ მეცნიერები რამდენიმე წლის წინ მივიდნენ დასკვნამდე, რომ უძველესი ვირუსები დაკავშირებულია კიბოსთან, მაგრამ ზუსტად არ იცოდნენ, რა გავლენას ახდენდნენ სიმსივნეზე. ახლა ჩვენ აღმოვაჩინეთ, რომ კიბოს უჯრედები იყენებენ ზომბების ვირუსებს გენის ექსპრესიის შაბლონების შესაცვლელად და ეს საშუალებას აძლევს სიმსივნეებს განვითარდეს და პროგრესირდეს. კვლევამ აჩვენა, რომ რეტროვირუსების მხოლოდ ერთ ოჯახს შეუძლია კიბოსთან დაკავშირებული 70-მდე გენის რეგულირება. მეცნიერები ვერ იტყვიან, რამდენ ასეთ რეტროვირუსს შეიცავს ადამიანის დნმ.მეცნიერები ასევე ვარაუდობენ, რომ ადამიანის ორგანიზმის ასაკთან ერთად, მასში უფრო და უფრო მეტი ზომბი ვირუსი იღვიძებს, რადგან ბუნებრივი დაცვა სუსტდება. შესაძლოა, ამ მიზეზით, იზრდება კიბოს განვითარების რისკი, ისევე როგორც სხვა ჯანმრთელობის პრობლემები. თუკი მეცნიერთა დასკვნები დადასტურდება, ეს გააუმჯობესებს კიბოს მკურნალობის არსებული მეთოდების ეფექტურობას და შესაძლებელია კიბოს პრევენციის მეთოდების შემუშავებაც კი.

1741548928

ტრამპის ადმინისტრაციის მხარდაჭერილ კანდიდატს რუმინეთის ხელახალ საპრეზიდენტო არჩევნებში მონაწილეობა აუკრძალეს - მედია

კალინ ჯორჯესკუ რუმინეთის ხელახალ საპრეზიდენტო არჩევნებში მონაწილეობას ვეღარ მიიღებს. გადაწყვეტილება რუმინეთის ცენტრალურმა საარჩევნო ბიურომ მიიღო. უწყებაში აცხადებენ, რომ მიზეზს მოგვიანებით განმარტავენ.ჯორჯესკუმ, არჩევნებში მონაწილეობის მისაღებად, საკუთარი კანდიდატურა რამდენიმე დღის წინ წარადგინა. "ერთად ვუჭერთ მხარს ტრამპი-ვენსის ადმინისტრაციას ჩვენი საერთო ღირებულებებისთვის, კერძოდ, მშვიდობის, დემოკრატიისა და თავისუფლებისთვის", – განაცხადა ჯორჯესკუმ.ცნობისთვის, რუმინეთში, კალინ ჯორჯესკუს წინააღმდეგ, გამოძიება ექვსი სხვადასხვა ბრალდებით მიმდინარეობს. მათ შორისაა ფაშისტური ორგანიზაციის წევრობა და საარჩევნო დაფინანსების შესახებ ყალბი ინფორმაციის გავრცელება. ჯორჯესკუ ბრალდებებს უარყოფს.რუმინეთში საპრეზიდენტო არჩევნები გასული წლის ნოემბერში ჩატარდა. 22%-ით, დამოუკიდებელმა მემარჯვენე კანდიდატმა, კალინ ჯორჯესკუმ გაიმარჯვა. მოგვიანებით, არჩევნებში რუსეთის შესაძლო გავლენის შიშის გამო, ეს შედეგები გააუქმეს.რუმინეთში განმეორებითი საპრეზიდენტო არჩევნები 4 მაისსაა ჩანიშნული

1741535066

"უაზრობაა, რომ ამერიკა ევროპის თავდაცვისთვის იხდიდეს" - მასკი შტატების NATO-დან გასვლის იდეას ეთანხმება

აშშ-ის მთავრობის ეფექტურობის დეპარტამენტის ხელმძღვანელი აშშ-ის NATO-დან გასვლის იდეას კიდევ ერთხელ დაეთანხმა."ნამდვილად, უაზრობაა ის, რომ ამერიკა ევროპის თავდაცვისთვის იხდიდეს", - წერს მასკი სოციალურ ქსელში, რითაც "რესპუბლიკელი" სენატორის, მაიკ ლის პოსტებს ეხმაურება, სადაც ლი წერს, რომ ევროპა შეერთებულ შტატებს ისე ექცევა, როგორც ბანკომატს და ქვეყანამ NATO უნდა დატოვოს.

1741534951

აშშ-ის საიდუმლო სამსახურმა, თეთრ სახლთან, შეიარაღებულ მამაკაცს ესროლა - BBC

აშშ-ის საიდუმლო სამსახურის წარმომადგენლებმა თეთრ სახლთან ერთ პირს ესროლეს, - წერს BBC საიდუმლო სამსახურზე დაყრდნობით.უწყებაში აცხადებენ, რომ ადგილობრივი პოლიციისგან მიიღეს ინფორმაცია "თვითმკვლელობისკენ მიდრეკილი პირის შესახებ, რომელიც შესაძლოა ინდიანადან ვაშინგტონში მიემგზავრებოდა".როგორც BBC წერს, ოფიცრები მიუახლოვდნენ აღწერილობის შესაბამისი ვიზუალის მამაკაცს, რომელსაც თან ცეცხლსასროლი იარაღი აღმოაჩნდა.საიდუმლო სამსახურის თანამშრომლებმა ცეცხლი გახსნეს. კაცი ამჟამად საავადმყოფოშია, თუმცა, როგორც BBC წერს, უცნობია მისი ჯანმრთელობის მდგომარეობა.

1740593204

გარდაიცვალა ცნობილი მსახიობი

მსახიობი მიშელ ტრახტენბერგი, რომელიც ცნობილია სატელევიზიო და კინო როლების ფართო სპექტრით, მათ შორის "ვამპირის მკვლელი ბაფი", ''ევრო ტური'' და "ჭორიკანა", 39 წლის ასაკში გარდაიცვალა - ამის შესახებ New York Post-ი წერს.წყაროების თქმით, მსახიობი დედამ იპოვა One Columbus Place-ში, 51-სართულიან ძვირად ღირებულ კომპლექსში, მანჰეტენის ცენტრალური პარკის სამხრეთ უბანში.როგორც წყაროები აცხადებენ, მსახიობს ცოტა ხნის წინ ღვიძლის გადანერგვა ჩაუტარდა.გარდაცვალების ზუსტი მიზეზი ამ ეტაპზე უცნობია. 

1738276186

ნიკოლოზ ბასილაშვილმა ფრანგი მეტოქე დაამარცხა და მონპელიეს ტურნირის 1/4 ფინალშია

ნიკოლოზ ბასილაშვილმა ფრანგი მეტოქე დაამარცხა და მონპელიეს ტურნირის 1/4 ფინალშიანიკოლოზ ბასილაშვილმა მონპელიეს ATP ტურნირში ფრანგი მეტოქე, მსოფლიო რეიტინგის 61-ე ნომერი არტურ რინდერნკეჩი დაამარცხა. ქართველმა ჩოგბურთელმა 1/8 ფინალში ფრანგს პირველ სეტში ყველა გეიმი მოუგო, მეორე სეტის ბედი კი ტაიბრეიკზე გადაწყდა და საბოლოოდ ნიკოლოზ ბასილაშვილმა მატჩი 6:0, 7:6 მოიგო.1/4 ფინალში ქართველი ჩოგბურთელი მსოფლიოს ათეულში მყოფ ანდრეი რუბლოვს დაუპირისპირდება.დღევანდელი გამარჯვებით, ნიკოლოზ ბასილაშვილმა სარეიტინგო ქულა გაიუმჯობესა და 178 პოზიციიდან 150-ზე გადაინაცვლა.

1733253463

კიბოს ნიშნები, რომლებიც, შეიძლება, ჭამის დროს გამოვლინდეს

მიღებული საკვების მონელების შეფერხების შეგრძნება, გულისრევა ან ნაადრევი დანაყრება - ეს ნიშნები შეიძლება მიუთითებდეს კუჭის კიბოზე.თუ შეამჩნევთ ამ სიმპტომებს, დაუყოვნებლივ უნდა მიმართოთ ექიმს. ამასთან, შესაბამისი სიმპტომები, შესაძლოა ასოცირებული იყოს არა კიბოსთან, არამედ კუჭ-ნაწლავის სხვა პათოლოგიასთან, მაგრამ ჯერ ყველაზე საშიში ვარიანტები უნდა გამოირიცხოს.კუჭის კიბოს დიაგნოსტიკისთვის ექიმები მიმართავენ ფიბროგასტროდუოდენოსკოპიის მეთოდს (FGDS). ეს პროცედურა ტარდება 45 წლიდან, ხოლო 60 წელს გადაცილებულებს ყოველწლიურად ესაჭიროებათ მისი ჩატარება.კუჭის კიბოს რისკ-ფაქტორებია: Helicobacter pylori ბაქტერიით ინფექცია, ჭარბი წონა და უმოძრაო ცხოვრების წესი, ცოცხალი ბოსტნეულის და ხილის არასაკმარისად მოხმარება და ნიტრატებით გაჯერებული საკვების მიღება.

1733087307

ლევან იოსელიანი - მედიისთვის ხელშეშლა არის კონკრეტული დანაშაული, გამოხატვის თავისუფლება კანონმდებლობით დაცულია, თუმცა ჟურნალისტური საქმიანობისთვის ხელის შეშლა დაუშვებელია

მედიისთვის ხელშეშლა არის კონკრეტული დანაშაული, გამოხატვის თავისუფლება კანონმდებლობით დაცულია, თუმცა ჟურნალისტური საქმიანობისთვის ხელის შეშლა დაუშვებელია - ამის შესახებ სახალხო დამცველმა, ლევან იოსელიანმა საქართველოს  პირველი არხის ეთერში სატელეფონო საუბრისას განაცხადა.საქართველოს პირველმა არხის ინფორმაციით, "მაუწყებელმა სახალხო დამცველს მას შემდეგ მიმართა, რაც მაუწყებელთან მიმდინარე აქციისას ჩვენ ჟურნალისტებს, ასევე "იმედის" გადამღებ ჯგუფს შეეშალათ ხელი საქმიანობაში.ჩვენ მოვითხოვეთ სახალხო დამცველისგან, რომ გაეკეთებინა განცხადება ამ თემასთან დაკავშირებით.ამასთან, პირველმა არხმა სახალხო დამცველს მიმართა იმასთან დაკავშირებითაც, რომ სოციალურ ქსელებში ვრცელდება პირველი არხის ჟურნალისტების პერსონალური მონაცემები, მობილურის ნომრები, ურეკავენ ჟურნალისტებს და აყენებენ შეურაცხყოფას. ლევან იოსელიანის თქმით, პერსონალური მონაცემების გავრცელება დაუშვებელია, ეს კანონით არის დაცული,"- აღნიშნულია პირველი არხის ინფორმაციაში. მათთან ინტერვიუს დროს, სახალხო დამცველმა მოუწოდა ყველას, ყველამ შეინარჩუნოს სიმშვიდე და პატივი სცეს სხვისი გამოხატვის თავისუფლებას:"თქვენგან შევიტყვე ამ ფაქტების შესახებ, როცა ოფიციალურად მომმართეთ. არ აქვს მნიშვნელობა, რომელი მედიის წარმომადგენელია, კანონის თანახმად, ყველა მედია თანაბარია. ყველას აქვს უფლება და გარანტირებულია მათი საქმიანობა ხელშეშლისგან თავისუფალ გარემოში. დაუშვებელია, მედიას შეეშალოს ხელი და გააშუქოს მოვლენები იმდაგვარად, როგორც თვლის ის საჭიროდ და როგორც მიაჩნია საჭიროდ.მედიისთვის ხელშეშლა ეს არის კონკრეტული დანაშაული და არავის აქვს უფლება, რომ ასეთი დამოკიდებულება ჰქონდეს მედიის წარმომადგენლების მიმართ.რაც შეეხება პერსონალურ მონაცემებს, მათი გავრცელება დაუშვებელია, ეს კანონით არის დაცული, ისვე როგორც სიძულვილის კამპანია და სიძულვილის ენა, რაზეც თქვენ მომმართეთ და მითხარით, რომ ასეთ გარემოებასაც აქვს ადგილი.სახალხო დამცველი ყოველთვის მოუწოდებს ყველას, მით უმეტეს მაშინ, როცა ასეთი დაძაბულობაა ქვეყანაში, რომ ყველამ შეინარჩუნოს სიმშვიდე და პატივი სცეს სხვისი გამოხატვის თავისუფლებას.გამოხატვის თავისუფლება კანონმდებლობით არის დაცული, თუმცა ჟურნალისტური საქმიანობისთვის ხელის შეშლა დაუშვებელია. გამოხატვის თავისუფლება არ გულისხმობს ჟურნალისტური საქმიანობისთვის ხელისშეშლას, შესაბამისად, თქვენი იქნება თუ სხვა მედიის საქმიანობა, უნდა იყოს უზრუნველყოფილი თავისუფალ და უსაფრთხო გარემოში იმისთვის, რომ საზოგადოებას მიეწოდოს ობიექტურ ინფორმაცია“,- განაცხადა სახალხო დამცველმა.