სიყვარულ

როგორი იქნება 13-19 ივლისის კვირა ზოდიაქოს თითოეული ნიშნის წარმომადგენლისთვის

რეტროგრადული მერკური თავის გავლენას 23 ივლისს დაასრულებს. თუმცა, ასტროლოგების თქმით, ის ძალებს უკვე ამ კვირაში დაკარგავს. ამის გამო ბევრი შვებას იგრძნობს. ვარსკვლავები მაინც გვაფრთხილებენ: რთული პერიოდი მალე დასრულდება, მაგრამ ზოგიერთ ნიშანს კვლავ გარკვეულ გამოწვევებთან გამკლავება მოუწევს.უფრო კონკრეტულად, როგორი იქნება 13-19 ივლისის კვირა ზოდიაქოს თითოეული ნიშნის წარმომადგენლისთვის, ქვემოთ გაგიზიარებთ:ვერძივერძის ნიშნის წარმომადგენლებისთვის სასიკეთო პერიოდი გრძელდება. ამ კვირაშიც გარემოებები თქვენ სასარგებლოდ განვითარდება. უხერხულობას ნუ მოითმენთ და უსამართლობას ნუ შეეგუებით. საკუთარი ინტერესების დასაცავად, როგორც სამსახურში, ისე პირად ცხოვრებაში, ახლა საუკეთესო დროა. ორშაბათი და სამშაბათი გადამწყვეტი მოქმედებებისთვის, ინიციატივის გამოჩენისა და ახალი პროექტების დაწყებისთვის გამოდგება. ოთხშაბათს შესაძლოა, ძველმა კონფლიქტებმა ან წყენებმა შეგახსენოთ თავი. თუმცა, ურთიერთობების გარკვევაზე ძალებს ნუ დახარჯავთ. ხუთშაბათს ფულადი შემოსავალი ან მოულოდნელი მოგებაა მოსალოდნელი. პარასკევს შესაძლოა, ძველი ოცნება ან მნიშვნელოვანი სურვილი აგისრულდეთ. უქმეებზე მაცდურ წინადადებებს სიფრთხილით მოეკიდეთ. ფარული მანიპულაციების არსებობა აუცილებლად შეამოწმეთ. კურო კუროებისთვის ეს კვირა საყოფაცხოვრებო საზრუნავითა და წვრილმანი საქმეებით დაიტვირთება. გარშემომყოფები საკუთარი პრობლემების განხილვაში მუდმივად ჩაგითრევენ. ამიტომ, პირადი საზღვრების მკაფიოდ გავლება და მანიპულაციების უგულებელყოფა მნიშვნელოვანია. სამშაბათს პირადმა ცხოვრებამ შესაძლოა, უსიამოვნო სიურპრიზი მოგიმზადოთ. თუ ურთიერთობა დიდი ხანია, ეჭვებს იწვევს, მნიშვნელოვან კითხვებს გულწრფელად უპასუხეთ. ერთად ყოფნის გაგრძელების შესახებ გადაწყვეტილება აუცილებლად მიიღეთ. ხუთშაბათს ფინანსებს, საბანკო ბარათებსა და დოკუმენტებს ყურადღებით ადევნეთ თვალი. კვირის დასასრული დასვენებას ჯობს, დაუთმოთ. შაბათი მეგობრებთან შეხვედრის ან ბუნებაში გასეირნებისთვის შესანიშნავი პერიოდია. კვირა კი საყვარელ ჰობის დაუთმეთ.ტყუპებივარსკვლავები ტყუპებს საკმაოდ წარმატებულ კვირას ჰპირდებიან. საქმეშიც და სიყვარულშიც ბევრი რამ ზუსტად თქვენი სურვილისამებრ განვითარდება. თუმცა, ორგანიზმის საგანგაშო სიგნალებს ახლა უყურადღებოდ ნუ დატოვებთ. თუ ჯანმრთელობა დიდი ხანია, გაწუხებთ, მას დრო აუცილებლად დაუთმეთ. სამშაბათს კარიერული წარმატებაა მოსალოდნელი. კოლეგებს შორის თქვენი ავტორიტეტიც საგრძნობლად გაიზრდება. თქვენს იდეებს სერიოზულად ის ადამიანებიც კი აღიქვამენ, ვინც ადრე სკეპტიკურად გიყურებდათ. კვირის შუა პერიოდში მცირე პაუზის გაკეთება და ძალების აღდგენა სასარგებლოა. იდეალური ვარიანტი ტელეფონისა და სოციალური ქსელების გარეშე, ბუნებაში გასეირნება იქნება. უქმეებზე, შესაძლებლობის ფარგლებში, ძველი ვალდებულებები დახურეთ, ვალები დააბრუნეთ და ძველი დაპირებები შეასრულეთ.კირჩხიბიამ კვირაში კირჩხიბების მთავარი სურვილი სრულფასოვანი დასვენება იქნება. თუმცა, სამსახურებრივი საკითხები თქვენს გააქტიურებას მაშინაც კი შეეცდება, როცა მოდუნებას მოინდომებთ. მიუხედავად ამისა, რესურსების აღსადგენად დროის გამონახვა მაინც სცადეთ. სამშაბათს ჯანმრთელობას გაუფრთხილდით და ძალებს ფუჭად ნუ დახარჯავთ. კვირის შუა პერიოდმა შესაძლოა, ცვლილებები მოიტანოს. აღნიშნულ ცვლილებებს ცხოვრების ჩვეული რიტმის შეცვლა შეუძლიათ. ახალი შესაძლებლობების ნუ შეგეშინდებათ, მაგრამ ნაჩქარევ გადაწყვეტილებებსაც ნუ მიიღებთ. კვირის მეორე ნახევარში თქვენი ყველა ემოცია, როგორც დადებითი, ისე უარყოფითი, პირად ცხოვრებასთან მჭიდროდ იქნება დაკავშირებული. ამის გამო სამსახურებრივ საქმეებზე კონცენტრირება შესაძლოა, გაგიჭირდეთ. უქმე დღეებში ვარსკვლავები საჭესთან სიფრთხილის გამოჩენასა და დაუფიქრებელი შესყიდვებისგან თავის შეკავებას გირჩევენ.ლომილომებმა ამ კვირაში ურთიერთობებში განსაკუთრებული სიფრთხილე უნდა გამოიჩინონ და ზედმეტ გულახდილობას მოერიდონ. ვარსკვლავები ამბობენ, რომ თქვენი გარემოცვიდან ყველა ადამიანი სრულ ნდობას არ იმსახურებს. ზედმეტი გახსნილობა შესაძლოა, თქვენს საზიანოდ შემოტრიალდეს. ორშაბათი ენერგიის მოზღვავებასა და აქტიური მოქმედების სურვილს მოგიტანთ. მთავარია, ძალები ფუჭად არ გაფანტოთ და შედეგებს მიაღწიოთ. ოთხშაბათსა და ხუთშაბათს გადაწყვეტილებები აუჩქარებლად მიიღეთ. მოსალოდნელი შედეგები კარგად გააანალიზეთ. კვირის მეორე ნახევარში მსხვილ შესყიდვებზე უარის თქმა და სხვისი რჩევების უგულებელყოფაა სასურველი. უქმეები დასვენებას, სახლის სიმყუდროვესა და თქვენ გარშემო კომფორტული გარემოს შექმნას მიუძღვენით.ქალწულიქალწულებისთვის წარმატებული პერიოდი იწყება. ადრე დაბლოკილი ბევრი შესაძლებლობა თქვენ წინაშე კვლავ გაიხსნება. ბედი ცხოვრების უკეთესობისკენ შეცვლის შანსს გაძლევთ. მისი ხელიდან გაშვება არ შეიძლება. სამშაბათს მხოლოდ სხვების მოლოდინებზე ორიენტირება შეწყვიტეთ. საკუთარ სურვილებს ყური აუცილებლად დაუგდეთ. კვირის შუა პერიოდში ყურადღება გარეგნობას, ვარცხნილობასა ან გარდერობის განახლებას დაუთმეთ. პარასკევს ფინანსურ საკითხებში სიფრთხილის გამოჩენა გმართებთ. საეჭვო წინადადებებს თავი აარიდეთ. უქმეები სიყვარულსა და ურთიერთობებში სასიამოვნო მოვლენებს გპირდებათ. ეს განსაკუთრებით მაშინ მოხდება, თუ ურთიერთობებზე სრულად კონცენტრირდებით.სასწორისასწორებს ამ კვირაში განსაკუთრებით იმ საქმეებში გაუმართლებთ, რომლებშიც მხოლოდ საკუთარი ძალების იმედი აქვთ. ბევრი წამოწყება კარგ შედეგს მოიტანს. ისინი ზრდისთვის დამატებით შესაძლებლობებსაც გაგიხსნიან. ორშაბათი შემოქმედებითი ექსპერიმენტებისა და ახალი შთაბეჭდილებებისთვის სასიკეთოა. უჩვეულო კერძი გასინჯეთ ან საინტერესო ღონისძიებას ეწვიეთ. ოთხშაბათმა შესაძლოა, დაძაბულად ჩაიაროს. თუმცა, ვარსკვლავები ამბობენ, რომ ყველა სირთულეს თავს წარმატებით გაართმევთ. კვირის ბოლოს თქვენს გარემოცვას ყურადღებით დააკვირდით. თქვენ გვერდით შესაძლოა, ისეთი ადამიანი აღმოჩნდეს, რომელიც ბოლომდე გულწრფელად არ მოქმედებს. მნიშვნელოვანი გადაწყვეტილებები აუჩქარებლად მიიღეთ. ყველაფერი ორჯერ, ან უკეთესია, სამჯერ გადათვალოთ.მორიელიამ კვირაში მორიელებს მარტივი ჭეშმარიტების გაგება მოუწევთ: კარგი თვითშეგრძნება ცხოვრების ყველა სხვა სფეროში წარმატების საწინდარია. კვირის პირველ ნახევარში ვინმემ შესაძლოა, თქვენი პირადი საზღვრების დარღვევა სცადოს. შეპასუხების ნუ შეგეშინდებათ. საკუთარ საჭიროებებსა და მოლოდინებზე პირდაპირ ილაპარაკეთ. ოთხშაბათი მნიშვნელოვანი გადაწყვეტილებებისა და გაბედული ნაბიჯების დღედ იქცევა. კვირის მეორე ნახევარში დამატებითი უნარების ათვისება სასარგებლოა. შეცდომების ნუ შეგეშინდებათ. კვირა დღე ბუნებაში დასასვენებლად იდეალური იქნება. დრო წყალთან ახლოს, ტყეში ან ქალაქის ხმაურისგან შორს გაატარეთ.მშვილდოსანიკვირის დასაწყისში მშვილდოსნებისთვის თვალთახედვის არეში ყოფნა და ზედმეტად ყურადღების ცენტრში მოხვედრა სასურველი არ არის. თქვენი წარმატებები გარშემომყოფებში ინტერესს, ზოგში კი შურსაც გამოიწვევს. სამშაბათს საყვარელი ადამიანისთვის დროის გამონახვა და გულთბილად გასაუბრება სცადეთ. კვირის შუა პერიოდი ემოციური ბალანსის აღდგენას მოითხოვს. კარგი გადაწყვეტილება მეგობრებთან შეხვედრა ან რომანტიკული საღამო იქნება. პარასკევს გრაფიკი ზედმეტი საქმეებისგან მაქსიმალურად გაათავისუფლეთ. უქმე დღეებში სპორტი, სეირნობა და საკუთარ თავზე ზრუნვა ენერგიის სწრაფად დაბრუნებაში დაგეხმარებათ...ვრცლად

ასტროლოგია • 1783970652

14 ივლისის ასტროლოგიური პროგნოზი

ვერძიდღე ენერგიული და შედეგიანი იქნება. კარგი დროა მნიშვნელოვანი საქმეების დასაწყებად და გადაწყვეტილებების მისაღებად. პირად ურთიერთობებში მოთმინება გამოიჩინეთ.კუროფინანსურ საკითხებში სიფრთხილე დაგჭირდებათ. მოერიდეთ დაუგეგმავ ხარჯებს. საღამოს სასიამოვნო შეხვედრა ან კარგი ამბავი გელოდებათ.ტყუპებიკომუნიკაცია თქვენი მთავარი უპირატესობა იქნება. წარმატებით მოაგვარებთ მოლაპარაკებებსა და სამუშაო საკითხებს. სიყვარულში გულწრფელობა საუკეთესო არჩევანია.კირჩხიბიემოციური დღეა, თუმცა ინტუიცია სწორ გზას გაჩვენებთ. ყურადღება მიაქციეთ ჯანმრთელობას და დაისვენეთ, თუ გადაღლას იგრძნობთ.ლომიშესაძლოა, საინტერესო შესაძლებლობა ან ახალი შეთავაზება მიიღოთ. თავდაჯერებულობა წარმატების მიღწევაში დაგეხმარებათ, თუმცა სხვების აზრის გათვალისწინებაც მნიშვნელოვანია.ქალწულიდროა დაგროვილი საქმეები მოაწესრიგოთ. დეტალებზე ყურადღების გამახვილება სასურველ შედეგს მოგიტანთ. ოჯახში სასიამოვნო ატმოსფერო იქნება.სასწორიდღე ხელს უწყობს ახალი ნაცნობობის გაჩენას და ურთიერთობების გაღრმავებას. ფინანსურ საკითხებში სიფრთხილე გამოიჩინეთ და ნაჩქარევ გადაწყვეტილებებს მოერიდეთ.მორიელიშეიძლება მნიშვნელოვანი საუბარი ან სიახლე გელოდეთ. არ აჰყვეთ ემოციებს - სიმშვიდე საუკეთესო გამოსავალი იქნება. საღამოს დასვენება ენერგიას აღგიდგენთ.მშვილდოსანიკარგი დღეა მოგზაურობის დაგეგმვისთვის, სწავლისა და ახალი ცოდნის მიღებისთვის. ოპტიმიზმი ბევრ კარს გაგიღებთ.თხის რქასამუშაოსა და კარიერაში წინსვლის შესაძლებლობა გამოჩნდება. პასუხისმგებლობით შესრულებული საქმე დაფასდება. ახლობლის რჩევა გამოგადგებათ.მერწყულიდღე მოულოდნელ სიახლეებსა და საინტერესო იდეებს მოიტანს. არ შეგეშინდეთ ცვლილებების - ისინი მომავალში სასარგებლო აღმოჩნდება.თევზები ინტუიცია დღეს განსაკუთრებით ძლიერი იქნება. კარგი დროა შემოქმედებითი საქმიანობისთვის და პირადი საკითხების მოსაგვარებლად. საღამოს მშვიდ გარემოში დასვენება სასარგებლო იქნება.

მიმოხილვა • 1783946348

შიო მესამე: ბედნიერი ვართ, რომ მოვესწარით ნეტარხსენებულის, კათოლიკოს-პატრიარქ ილია მეორის ღვაწლს, ვართ მისი მემკვიდრეები

სულის გადარჩენის საქმეში და იმაში, რომ ღმერთის კეთილგანწყობა მოვიპოვოთ, ვიჩენთ სიზარმაცეს, უდარდელობას, უზრუნველობას და ხშირად უმადურობას. რა გამართლება გვექნება ასეთი საქციელისთვის, როცა ვხედავთ, რომ ამდენი სიკეთე მივიღეთ ღმერთისგან – ჩვენმა ქვეყანამაც, ჩვენმა ოჯახებმაც, პირადად ჩვენც და დღესაც ვიღებთ უამრავ სიკეთეს, – ამის შესახებ სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, შიო მესამემ სვეტიცხოვლის საპატრიარქო ტაძარში ქადაგებისას განაცხადა.მისივე თქმით, ერთგულება ეკლესიის და მოციქულთა გზის გაგრძელება არის საწინდარი ჩვენი გადარჩენის, განვითარების.„ყოვლადსამღვდელონო, მეუფენო, პატიოსანო მამანო, დედანო, ძვირფასო ძმებო და დებო, გილოცავთ თორმეტი მოციქულის ხსენებას და სვეტიცხოვლობას. დღეს არის ამ დიდებული ტაძრის დღესასწაული, რამეთუ ის თორმეტი მოციქულის სახელზეა აგებული. ხშირად ვერ ვაცნონიერებთ, რაოდენ მადლობლები უნდა ვიყოთ მოციქულების. მათი პიროვნებები, ღვაწლი ხომ საფუძველია ჩვენი ეკლესიის. შეიძლება ითქვას, რომ დღეს ჩვენი ერი რომ არსებობს, ცოცხლობს, ეს მათი ღვაწლის, ქადაგების დამსახურებაა, რადგან ქრისტიანობის მიღებამ და შემდგომ მართლმადიდებელი ეკლესიის ერთგულებამ განაპირობა ჩვენი ერის გადარჩენა როგორც ფიზიკურად, ასევე სულიერად. რა თქმა უნდა, ჩვენ ვფიქრობთ, რომ ერთგულება ეკლესიის და მოციქულთა გზის გაგრძელება არის საწინდარი შემდგომი ჩვენი გადარჩენის, განვითარების.წელს ჩვენ აღვნიშნავთ საქართველოში ქრისტიანობის სახელმწიფო რელიგიად გამოცხადებიდან 1700 წლის თავს. ბედნიერნი ვართ, რომ ამ თარიღს აღვნიშნავთ და ეს არის სწორედ დამსახურება მათი ღვაწლის, მათი ქადაგების, რამეთუ წმინდა ნინოს ღვაწლიც იყო მათი მსახურების გაგრძელება. მოხარულნი ვართ, რომ დღეს, ჩვენს ეპოქაშიც არიან ასეთი მოღვაწეები, ჩვენს უახლეს ისტორიაში. ჩვენ მოვესწარით ასეთ ადამიანებს და ერთ-ერთი უპირველესი მსოფლიოს მართლმადიდებელ ეკლესიაში გახლავთ ჩვენი კათოლიკოს-პატრიარქი, აწგანსვენებული, ნეტარხსენებული სრულიად საქართველოს კათოლიკოს-პატრიარქი ილია მეორე. ჩვენ ბედნიერი ვართ, რომ მოვესწარით მის ღვაწლს, ვართ მისი მემკვიდრეები. ასევე, როგორც მოგახსენეთ, პირველ რიგში, მოციქულთა მემკვიდრეები ვართ. დღეს ჩვენ დავფიქრდეთ, ვართ თუ არა მზად, გავაგრძელოთ ეს მემკვიდრეობა? მივბაძოთ მათ მაგალითს, გავყვეთ მათ გზას. დღეს სამოციქულოში იყო წაკითხული პავლე მოციქულის სიტყვები: „მობაძავ ჩემდა იყვენით, როგორც მე ქრისტესი“. ვართ თუ არა მზად, მათი მიმბაძველები გავხდეთ? მათი თავიანთი ღვაწლი აღასრულეს, თავიანთი სიცოცხლის ფასად და უკლებლივ ყველა მათგანი მოწამე გახდა, მოწამებრივად აღესრულა, გარდა იოანე ღვთისმეტყველისა, რომელმაც ასევე უამრავი ტანჯვა დაითმინა. ვართ თუ არა მზად ამ გზისთვის, ვიყოთ მათი მოწაფენი და გამგრძელებლები. დავფიქრდეთ ჩვენს თავზეც. მაგალითად, როდესაც მოგველის რაიმე ამქვეყნიური სარგებელი, მიწიური, ხშირად მზად ვართ, დავითმინოთ მრავალგვარი ჭირი – განსაცდელი, მწუხარება, დამცირებაც და სასჯელიც კი, ოღონდ ჩვენს მიწიურ სხვადასხვა მიზანს მივაღწიოთ, რადგან გარკვეული სარგებელი მოგველის.სულის გადარჩენის საქმეში და იმაში, რომ ღმერთის, შეიძლება ითქვას, კეთილგანწყობა მოვიპოვოთ, ვიჩენთ სიზარმაცეს, უდარდელობას, უზრუნველობას და ხშირად უმადურობას. რა გამართლება გვექნება ასეთი საქციელისთვის, როცა ვხედავთ, რომ ამდენი სიკეთე მივიღეთ ღმერთისგან – ჩვენმა ქვეყანამაც, ჩვენმა ოჯახებმაც, პირადად ჩვენც და დღესაც ვიღებთ უამრავ სიკეთეს. წმინდა მოციქულები ასე არ იყვნენ. ისინი იწვოდნენ ქრისტეს სიყვარულით, ეს შესანიშნავად გამოჩნდა წმინდა პავლე მოციქულის სიტყვებში. ის წერს, რომ „ვინ განგვაშორებს ჩვენ“ – ანუ მოციქულებს გულისხმობს, ქრისტეს სიყვარულს. ჭირი, მწუხარება, შიმშილი თუ სიშიშვლე? თუ საფრთხე, თუ მახვილი… რას ნიშნავს ეს, რომ არა მხოლოდ სხვადასხვაგვარი ჭირი ვერ განგვაშორებსო ქრისტეს სიყვარულს, არამედ სიკვდილის საშიშროებაც რომ დაგვემუქროს, მაშინაც ვერ განვშორდებით ქრისტეს, ვერ შეგვაშინებს ეს. ასეთი სიყვარული და რწმენა ჰქონდათ მათ. მიუხედავად იმისა, რომ მართლაც გაიარეს ყველა ეს ჩამოთვლილი განსაცდელები – ამასაც აღწერენ მოციქულები ძალიან დაწვრილებით – მათ მაინც ჰქონდათ დიდი სიხარული გულში. სიხარულით იღვწოდნენ, რადგან იცოდნენ, რომ დროებითი ჭირისთვის, მწუხარებისა და სირთულეებისთვის მათ მოელით ზეციური გვირგვინები, დიდი მისაგებელი მადლი ღვთისგან. ამიტომაც, ისინი ამ ყველაფერს არარად თვლიდნენ, მოთმინებით იტანდნენ ყველაფერს და მით უფრო მეტი და მეტი მადლი, სიხარული ჰქონდათ.ძვირფასო ძმებო და დებო, ჩვენც ვეცადოთ, ასე შევიყვაროთ უფალი, ჩვენი იესო ქრისტე. მართლაც მეტს არაფერს გვთხოვს უფალი, რომ იგი შევიყვაროთ და მისი მცნებები დავიცვათ. ვისაც ასე უყვარს უფალი, ის მის მცნებებსაც იცავს. როცა ვინმე გიყვარს, ცდილობ, მისი სიყვარულიც დაიმსახურო. წმინდა იოანე ოქროპირი საოცარ სიტყვებს წერს – გახდე იმის ღირსი, რომ ჯეროვნად გიყვარდეს უფალი, ეს არის უკვე სასუფეველი ცათა, ეს არის ნეტარება, ურიცხვი სიკეთის მომტანი, მაგრამ ჩვენი სიყვარული რომ იყოს ჯეროვანი, გულწრფელი, ამისთვის, ღვთის სიყვარულის გულისთვის უნდა გვიყვარდეს ჩვენი მოყვასიც. როგორც უფალი ამბობს, ამ ორ მცნებაზეა დაფუძნებული მთელი რჯული და წინასწარმეტყველები – გიყვარდეს ღმერთი შენი მთელი გულით, მთელი შენი სულითა და გონებით, მთელი ძალით და მოყვასი შენი, როგორც თავი თვისი. ეს ორი მცნება ბუნებრივად უკავშირდება ერთმანეთს. ვისაც უყვარს ღმერთი, ის მოყვასს არასდროს შეურაცხყოფს. პირიქით, ყოველთვის სიკეთეს გაუკეთებს მას, რადგან ახსოვს უფალ იესო ქრისტეს სიტყვები, რომ – თქვენ რაც გაუკეთეთ ერთ ამ მცირე ჩემს ძმათაგანს, ის მე გამიკეთეთო.ასე რომ, ადამიანის წინაშე როდესაც არის გლახაკი, გაჭირვებული, ღარიბი, მთხოვნელი, ის არ ხედავს მასში ან გლახაკს და ღარიბს, არამედ უფალ იესო ქრისტეს, რომელმაც დაგვპირდა, რომ ამ გლახაკისთვის გაკეთებული სიკეთე ჩაითვლება ქრისტესთვის გაკეთებულ სიკეთედ. ასეთი ადამიანი ყოველთვის ქრისტეს სიდიადეს ხედავს და არა გლახაკს მის წინაშე, ყველაფერს დიდი მოშურნეობით ასრულებს და გულმოწყალებას აღასრულებს დიდი სიყვარულით, მონდომებით. ასე რომ, დღეს არის მოციქულთა დღესასწაული. ესენი იყვნენ ჭეშმარიტების, სიყვარულის მქადაგებლები. ამგვარად, ჩვენ ნუ უგულებელვყოფთ ამ უმთავრეს სამკურნალოს ჩვენი სულისა – სიყვარულს მოყვასისადმი, მოწყალებას, თანალმობას, თანაგრძნობას. ეს უმთავრესი სამკურნალოა ჩვენი სულის, ჩვენი სულის ჭრილობების. ისე კურნავს ეს წამალი ჩვენს სულს, რომ არანაირი იარა აღარ რჩება ამ სულში, თითქოს, საერთოდ არც ყოფილა. მაგალითად, გავიხსენოთ წმინდა პავლე მოციქული, რომელიც იყო სასტიკი მდევნელი და დამარბეველი ეკლესიის და გახდა არათუ მორწმუნე, არათუ მხოლოდ მოციქული, არამედ წინამძღოლი ეკლესიის. ასეთი საოცარი ცვლილება მოხდა მასში და ასეთი საოცარი ცვლილება იქნება ჩვენშიც, თუ ამ გზის ერთგულნი დავრჩებით და არა მარტო პირადად ჩვენში, მთელი ჩვენი ერი კიდევ უფრო მეტად ფერს იცვლის, გაძლიერდება და გამთლიანდება. ღმერთმა დაგლოცოთ და გაგაძლიეროთ. გილოცავთ 12 მოციქულის ხსენებას, მოციქულთა მადლი და ლოცვა შეგეწიოთ თქვენ და სრულიად საქართველოს. მოციქულთა ლოცვით, ღმერთმა დაიფაროს და გააძლიეროს, გაამთლიანოს და გადაარჩინოს სრულიად საქართველო“, – განაცხადა შიო მესამემ.

ასტროლოგია • 1783944600

ზოდიაქოს 4 ნიშანი, რომლებსაც უახლოესი ერთი თვის განმავლობაში სასიამოვნო სიახლეები ელოდება

9 ივლისს ვენერა ქალწულის ნიშანში გადავიდა. ამ პლანეტას ასტროლოგიაში სიყვარულის, ჰარმონიის, ფინანსებისა და შემოქმედების სიმბოლოდ მიიჩნევენ. ეს პოზიცია თითქმის ერთ თვეს გაგრძელდება. აღნიშნულმა ტრანზიტმა შესაძლოა, გავლენა მოახდინოს როგორც პირად ცხოვრებაზე, ისე სამსახურზე, ფულსა და ახალ შესაძლებლობებზე.ვის მოუტანს ვენერა ყველაზე დიდ წარმატებასამ ტრანზიტის ყველაზე პოზიტიურ გავლენას შემდეგი ნიშნები იგრძნობენ:კურო,თხის რქა,კირჩხიბი,მორიელი.ასტროლოგების აზრით, სწორედ ამ ნიშნების წარმომადგენლებს მოუტანს უახლოესი კვირები წარმატებულ შანსებს ფინანსებში, სამსახურში, შემოქმედებასა და პარტნიორულ ურთიერთობებში...ვრცლად

მსოფლიო • 1783930508

ბანკის ძარცვა სათამაშო იარაღებით და გატანილი 19 მილიონი დოლარი - არგენტინაში მომხდარი უპრეცენდენტო დანაშაულის დეტალები

2006 წლის 13 იანვარს არგენტინაში მოხდა ერთ-ერთი ყველაზე ცნობილი ბანკის ძარცვა, რომელსაც მოგვიანებით „საუკუნის ძარცვა“ უწოდეს.ყველაფერი ჩვეულებრივ სამუშაო დღეს დაიწყო. ხუთი ნიღბიანი მამაკაცი ბუენოს-აირესის გარეუბანში მდებარე Banco Río-ს ფილიალში შევიდა. მათ თანამშრომლები და კლიენტები მძევლად აიყვანეს და პოლიციას აცნობეს, რომ შენობაში შეიარაღებული მძარცველები იყვნენ.ბანკთან მალე ათასობით სპეცრაზმელი და პოლიციელი მივიდა. ყველას ეგონა, რომ დამნაშავეები შენობაში იყვნენ და მოლაპარაკებებს აწარმოებდნენ.მაგრამ სინამდვილეში ყველაფერი სხვა გეგმით მიმდინარეობდა.სანამ პოლიცია შენობის გარეთ ელოდებოდა, მძარცველების ნაწილი ბანკის სარდაფში მდებარე სეიფებს ცლიდა. მათ დაახლოებით 147 საცავი გახსნეს და იქიდან ფული, ძვირფასეულობა და სხვა ფასეულობები წაიღეს. ნადავლის ღირებულება დაახლოებით 19 მილიონ დოლარად შეფასდა.ყველაზე საინტერესო კი მათი გაქცევის გზა იყო - წინასწარ გათხრილი გვირაბის საშუალებით მძარცველები ქალაქის საკანალიზაციო სისტემაში ჩავიდნენ, შემდეგ კი ნავით გაიქცნენ. როდესაც რამდენიმე საათის შემდეგ სპეცრაზმი ბანკში შეიჭრა, დამნაშავეები იქ აღარ იყვნენ.მძარცველებმა ადგილზე მხოლოდ სათამაშო იარაღები და პატარა წერილი დატოვეს, რომელზეც ეწერა:„მდიდრების უბანში, იარაღისა და სიძულვილის გარეშე. ეს მხოლოდ ფულია და არა სიყვარული.“ძარცვამ მთელი არგენტინა შოკში ჩააგდო. მიუხედავად იმისა, რომ დამნაშავეების ნაწილი მოგვიანებით დააკავეს, მოპარული ქონების დიდი ნაწილი ვეღარ იპოვეს.ეს საქმე დღემდე მსოფლიოში ერთ-ერთ ყველაზე კარგად დაგეგმილ ბანკის ძარცვად ითვლება და მასზე 2020 წელს ფილმიც გადაიღეს – „El Robo del Siglo“ („საუკუნის ძარცვა“), რომელიც სწორედ ამ რეალურ ისტორიას ეფუძნება.

საზოგადოება • 1783891625

„შეტევები, როგორც წესი, გრძელდება 1-3 დღე“ - ინგა მამუჩიშვილის გაფრთხილება

განმეორებითი მაღალი ტემპერატურა ყოველთვის ინფექციას არ ნიშნავს — პედიატრი ინგა მამუჩიშვილი მშობლებს ოჯახური ხმელთაშუა ზღვის ცხელების (FMF) შესახებ მნიშვნელოვან ინფორმაციას უზიარებს. ექიმის განმარტებით, ეს მემკვიდრეობითი აუტოანთებითი დაავადება ბავშვთა ასაკში იწყება და დროული დიაგნოზისა თუ სწორი მკურნალობის გარეშე შესაძლოა, სერიოზული გართულებები გამოიწვიოს.„ბევრი მთხოვს პოსტს პეროდულ დაავადებაზე ( ხმელთაშუა ზღვის ცხელება),რა არისFMF ????(ხმელთაშუა ზღვის ცხელება, პერიოდული დაავადება) ეს არის მდგომარეობა, როდესაც განმეორებითი სიცხე უბრალო ინფექცია არ არის…ბავშვს პერიოდულად აქვს მაღალი ტემპერატურა, მუცლის ძლიერი ტკივილი, ზოგჯერ გულმკერდის ან სახსრების ტკივილიც, თუმცა ყოველი შეტევის შემდეგ სრულიად ჯანმრთელად გამოიყურება. ასეთ შემთხვევაში, ერთ-ერთი დაავადება, რომელიც აუცილებლად უნდა გვახსოვდეს, არის ოჯახური ხმელთაშუა ზღვის ცხელება (FMF-Familial Mediterranean Fever).FMF იშვიათი, თუმცა მნიშვნელოვანი მემკვიდრეობითი აუტოანთებითი დაავადებაა, რომლის დროსაც იმუნური სისტემა ინფექციის გარეშე იწვევს ანთებით ეპიზოდებს. დაავადება ყველაზე ხშირად იწყება ბავშვთა ასაკში.რა სიმპტომებია დამახასიათებელი?განმეორებითი, უეცრად დაწყებული მაღალი ცხელებაძლიერი მუცლის ტკივილიგულმკერდის ტკივილი ღრმა ჩასუნთქვისასსახსრების ტკივილი ან შეშუპება ზოგჯერ კანზე წითელი გამონაყარი, განსაკუთრებით ქვედა კიდურებზე.შეტევები, როგორც წესი, გრძელდება 1-3 დღე და შემდეგ ბავშვი სრულიად კარგად გრძნობს თავს, რაც ხშირად დიაგნოზის დასმას აჭიანურებს.როგორ ისმება დიაგნოზი?დიაგნოზი ეფუძნება:• დაავადების დამახასიათებელ კლინიკურ სურათს• ოჯახურ ისტორიას• ანთებითი მაჩვენებლების შეფასებას შეტევის პერიოდში• საჭიროების შემთხვევაში-გენეტიკურ კვლევას.მკურნალობაFMF-ის ძირითადი სამკურნალო საშუალებაა კოლხიცინი, რომელიც ყოველდღიურად მიიღება ექიმის დანიშნულებით. მისი რეგულარული გამოყენება მნიშვნელოვნად ამცირებს შეტევების სიხშირეს და, რაც ყველაზე მნიშვნელოვანია, იცავს ბავშვს დაავადების ერთ-ერთი ყველაზე მძიმე გართულების-ამილოიდოზისგან, რომელიც შესაძლოა თირკმელები დააზიანოს.კოლხიცინი ინიშნება მკაცრად ექიმის მიერ თუ თქვენს შვილს განმეორებით აღენიშნება მაღალი ტემპერატურა, რომელიც ყოველ ჯერზე ინფექციით ვერ აიხსნება, განსაკუთრებით მაშინ, როდესაც მას თან ახლავს მუცლის, გულმკერდის ან სახსრების ტკივილი, აუცილებლად მიმართეთ პედიატრს ან ბავშვთა რევმატოლოგს. დროული დიაგნოზი და სწორი მკურნალობა საშუალებას აძლევს FMF-ის მქონე ბავშვების უმრავლესობას იცხოვრონ სრულიად აქტიური და სრულფასოვანი ცხოვრებით.ყველა განმეორებითი სიცხე ინფექცია არ არის. ზოგჯერ ის ორგანიზმის გენეტიკური თავისებურების მნიშვნელოვანი სიგნალია, რომლის დროული ამოცნობაც ბავშვის ჯანმრთელობის დაცვაში გადამწყვეტ როლს ასრულებს…. სიყვარულით თქვენი ექიმი“, - წერს პედიატრი.

სამართალი • 1783887339

ვირტუალური სიყვარულის ანატომია - რა ხრიკებით გვაბამენ მახეში რომანტიკული თაღლითები

ამბავი, რომელიც 50 წლის ქართველი ქალისთვის ზღაპარს ჰგავდა, მართლაც კარგად შეთხზული ზღაპარი აღმოჩნდა, ოღონდ ბედნიერი დასასრულის გარეშე. სოციალურ ქსელში უცხოელ მამაკაცთან დაწყებული კომუნიკაცია, მალე სასიყვარულო მიმოწერაში გადაიზარდა. ნიშნობის გეგმები, ძვირფასი საჩუქრების დაპირება და ბოლოს ერთი პატარა თხოვნა: თითქოსდა მისთვის გამოგზავნილი ამანათის დეკლარირებისთვის ქალს 600 ევრო უნდა გადაეხადა. თანხა გადარიცხა, თუმცა საბოლოოდ ფულიც დაკარგა, ძვირადღირებული საჩუქრებიც და რაც მთავარია - ზღაპრული სიყვარულიც.მას შემდეგ, რაც სიყვარულიც დასრულდა და მიმოწერაც, იმედგაცრუებულმა ქალმა საქმეში გასარკვევად ადვოკატს მიმართა. იურისტი გვიყვება, რომ მის პრაქტიკაში რომანტიკული თაღლითობის ეს უკვე მესამე შემთხვევაა. არცერთ ასეთ საქმეზე პროცესები იურიდიულ კონსულტაციას არ გასცდენია, რადგან საბოლოოდ სამართლებრივი რეაგირებისგან ყველა მსხვერპლი თავს იკავებს.რომანტიკული თაღლითები დღეს სიყვარულს არა გულით, არამედ ალგორითმით "წერენ". კარგად იციან, რა უნდა თქვან, როდის უნდა თქვან და ყველაზე მთავარი - როდის უნდა ახსენონ ფული. სპეციალისტები ამბობენ, რომ თაღლითები მსხვერპლს შემთხვევით არ ირჩევენ. ისინი დიდ დროს უთმობენ ნდობის მოპოვებას, ემოციების გაღვივებას და მხოლოდ ამის შემდეგ ითხოვენ თანხას.ონლაინ უსაფრთხოების ექსპერტი ინგა ქარჩავა ამბობს, რომ თუ ვირტუალური პარტნიორი მოულოდნელად საბანკო გადარიცხვას მოითხოვს, მას სავარაუდოდ თქვენს ნაცვლად, თქვენივე ანგარიშის ბალანსი შეუყვარდა.ეს სცენარი მხოლოდ საქართველოში არ თამაშდება. გაცნობის აპლიკაციებსა და სოციალურ ქსელებში ხელწერა ყველგან მსგავსია - კომპლიმენტები, სიყვარულის ახსნა, საერთო მომავლის გეგმები... და მოულოდნელად საქმეში შემოდის ფული. მსოფლიოში რომანტიკული თაღლითობა უკვე მრავალმილიონიან ინდუსტრიად იქცა. შეერთებულ შტატებში, მხოლოდ ერთი წლის განმავლობაში ფედერალურ უწყებებში 64 000-ზე მეტი შეტყობინება მიიღეს, ზარალმა 1 მილიარდ დოლარს გადააჭარბა. რუსეთში კი, ყალბი პაემნებით სამმა თაღლითურმა დაჯგუფებამ გასულ წელს 330 მილიონი რუბლი გამოიმუშავა. მსხვერპლთა უმეტესობა შუახნის ასაკს გადაცილებული ქალები და მამაკაცები არიან.ხელოვნური ინტელექტი დღეს ონლაინ თაღლითების ხელში კიდევ ერთი ძლიერი იარაღია. რამდენიმე დღის წინ ავსტრალიაში ქალი დიფ ფეიკის გამოყენებით შექმნილი ვიდეოზარით მოატყუეს. მსხვერპლი დარწმუნებული იყო, რომ ეკრანზე არც მეტი, არც ნაკლები დუბაის პრინცს ესაუბრებოდა. სინამდვილეში კი პრინცი მხოლოდ ხელოვნური ინტელექტით გენერირებული გამოსახულება იყო, მეორე მხარეს კი იდგა თაღლითი, რომელმაც ქალს პრინცის სახელით სოლიდური თანხა გამოსძალა. იგივე მეთოდით თაღლითებმა საფრანგეთში მცხოვრებ ქალს 830 000 ევრო ბრედ პიტის სახელით გამოსძალეს. ამ შემთხვევაშიც მსახიობის გამოსახულება ხელოვნური ინტელექტით იყო შექმნილი.რომანტიკული თაღლითობის ყველაზე ცნობილი პერსონაჟი, ისრაელის მოქალაქე, 35 წლის საიმონ ლევიევია. ის გასული წლის სექტემბერში ბათუმის აეროპორტში გერმანიის მოთხოვნით დააკავეს, თუმცა საექსტრადიციო პატიმრობის შემდეგ გაათავისუფლეს და საქართველოც დატოვა. ადვოკატის თქმით, გერმანიამ მის მიმართ ყველა ბრალდება უკან წაიღო. ლევიევი, რომელიც ინტერპოლის წითელი ცირკულარით იძებნებოდა, ნეტფლიქსის დოკუმენტური სერიალის გმირადაც იქცა. სერიალის მიხედვით, ის წლების განმავლობაში ქალებს ონლაინ გაცნობის აპლიკაცია Tinder-ის საშუალებით უკავშირდებოდა და თავს აცნობდა ბრილიანტების მაგნატის, ლევ ლევიევის მემკვიდრედ. შემდეგ კი სხვადასხვა თაღლითური სქემის გამოყენებით მათ ფულს სძალავდა.როგორც წესი თაღლითები პოტენციურ მსხვერპლთან თავს შეძლებულ და წარმატებულ ადამიანად წარმოაჩენენ. და სანამ უცხოელი „პრინცი“, “ჰოლივუდის ვარსკვლავი“, „იტალიელი ბიზნესმენი“ ან „ამერიკელი სამხედრო“ სიყვარულს აგიხსნით, ერთი კითხვაც დაუსვით საკუთარ თავს - თუ ადამიანს მილიონები აქვს, რატომ სჭირდება მას თქვენი ფული? ზოგჯერ სწორედ ამ კითხვას შეუძლია სიყვარულიც გადაარჩინოს და დანაზოგიც. https://rustavi2.ge/ka/news/357943?fbclid=IwY2xjawTA1DRleHRuA2FlbQIxMABicmlkETF2a1lQU2xYVnJRVnoybmsxc3J0YwZhcHBfaWQQMjIyMDM5MTc4ODIwMDg5MgABHvX6L16wtLy3uD59sUm57jbSyMoBWiJj3YDy0gGXpI_Zs-tjZdcz4ycPHK07_aem_m4lfsNtm9jgAZTVtG6uZOw

საზოგადოება • 1783852362

ღმერთმა წმინდა თავთა მოციქულთა პეტრესა და პავლეს ლოცვით გაამთლიანოს და გადაარჩინოს სრულიად საქართველო - შიო მესამე

პეტრე-პავლობის სადღესასწაულო წირვა, საქართველოს კათოლიკოს პატრიარქმა, ავლაბარში წმინდანთა სახელობის ტაძარში აღავლინა, მრევლი დალოცა და იქადაგა. ქრისტეს მოწაფეთა და მოციქულთა შორის, ეკლესია ორ მათგან განსაკუთრებულ პატივს მიაგებს, ერთად მოიხსენიებს და თავ მოციქულებს უწოდებს.„წმინდა მოციქულმა პეტრემ რწმენის დიდი მაგალითი მოგვცა, როდესაც ნავიდან გადმოვიდა და ზღვაზე მოსიარულე უფალ იოსო ქრისტესკენ გაემართა სვლით. ჩვენც ასე უნდა მივდიოდეთ ქრისტესკენ და არასდროს შეგვეპაროს ეჭვი, რომ უფალი დაგვეხმარება ყველა განსაცდელში. როდესაც ჩვენი თანდასწრებით შეურაცხყოფას აყენებენ უფალს, აგინებენ დედა ღვთისმშობელს, ჩვენ გაბედული სიტყვით, როგორც პეტრემ, უნდა ვამხილოთ ასეთი ადამიანები.რაც შეეხება პავლე მოციქულს, ალბათ ზედმეტია იმაზე ლაპარაკი თუ რა დიდი მნიშვნელობა აქვს მის ეპისტოლეებს ჩვენი რწმენისთვის, ჩვენი სულის ცხონებისთვის. ძვირფასო ძმებო და დებო, როგორც პეტრე მოციქულს უნდა მივბაძოთ, ვეცადოთ და წმინდა პავლე მოციქულსაც უნდა მივბაძოთ წმინდა ჯვრის სიყვარულში და ასევე შევიგრძნოთ ჯვარი უფლისა და ვეცადოთ, რომ არცერთი დღე ჩვენს ცხოვრებაში არ გადიოდეს ქრისტეს ჯვრის გახსენებისა, მისი მნიშვნელობის გააზრების და პირჯვრის გადასახვის გარეშე. ღმერთმა წმინდა თავთა მოციქულთა პეტრესა და პავლეს ლოცვით გაამთლიანოს და გადაარჩინოს სრულიად საქართველო“, - განაცხადა პატრიარქმა.

საზოგადოება • 1783850115

„გამონახეთ დრო განმარტოებული ლოცვისთვის...“- როგორ აღვნიშნოთ პეტრე-პავლობა

12 ივლისს განსაკუთრებული ადგილი უკავია მართლმადიდებლურ კალენდარში - ამ დღეს ეკლესია პატივს მიაგებს წმინდა მოციქულებს, პეტრესა და პავლეს. ქრისტეს ეს ორი დიდი მოწაფე რწმენის, გამბედაობისა და ღვთაებრივი ჭეშმარიტებისადმი ერთგულების სიმბოლოდ იქცა, რამაც ქრისტიანული ეკლესიის მყარი საფუძველი ჩაუყარა. მათი სულიერი ღვაწლი მილიონობით მორწმუნეს შთააგონებს და მათთვის ლოცვითი მიმართვები სულს სიმშვიდითა და იმედით ავსებს. ამ დღეს განსაკუთრებით მნიშვნელოვანია წმინდანთა მიმართვა ჯანმრთელობის, ოჯახის კეთილდღეობის, პრობლემებისგან დაცვისა და რწმენის განმტკიცების გულწრფელი თხოვნებით.როგორ აღვნიშნოთ პეტრე-პავლობა 12 ივლისს მართლმადიდებელი ქრისტიანები აღნიშნავენ მოციქულთა პეტრესა და პავლეს ხსენების დღეს, სახარების უდიდესი მქადაგებლებისა, რომელთა მსახურებაც ქრისტეს ეკლესიის დაარსების ქვაკუთხედად იქცა. ეს დღე განსაკუთრებული მნიშვნელობითაა სავსე და მორწმუნეებს აძლევს შესაძლებლობას, ჩაუღრმავდნენ სულიერ რეფლექსიას, ლოცვასა და კეთილ საქმეებს.1. ტაძრის მონახულება - დაიწყეთ დილა ღვთისმსახურებაში მონაწილეობით. განსაკუთრებით საზეიმოა მოციქულთა პეტრესა და პავლეს პატივსაცემად აღვლენილი ლიტურგია. წმინდა ზიარების მიღება, წმინდანთა ხატების წინაშე ლოცვა და საყოველთაო საეკლესიო ლოცვაში მონაწილეობა დაგეხმარებათ ღმერთთან ერთიანობის ძალის შეგრძნებაში და თქვენი რწმენის განმტკიცებაში.2. სახლში ლოცვა - ტაძრიდან დაბრუნების შემდეგ, გამონახეთ დრო განმარტოებული ლოცვისთვის. წაიკითხეთ აკათისტი ანუ სპეციალური ლოცვები, რომლებიც მიმართულია მოციქულთა პეტრესა და პავლესადმი და ითხოვენ მათ შუამდგომლობას ოჯახის, მშვიდობის, ჯანმრთელობისა და სულიერი დაცვის საკითხებში.3. ოჯახური სუფრა - ოჯახთან ერთად სადღესასწაულო ვახშამი დღეს განსაკუთრებულ სითბოს მატებს. ტრადიციულად, სუფრაზე შეიძლება თევზის ან ზღვის პროდუქტების კერძები იყოს, რაც მოციქულ პეტრეს მეთევზეობის პროფესიის შეხსენებას აღნიშნავს. მნიშვნელოვანია არა მხოლოდ საკვები, არამედ სიყვარულის, მადლიერებისა და კომუნიკაციის ატმოსფეროც. განაგრძეთ კითხვა...

საზოგადოება • 1783805802

მშვიდად განისვენე პატარა ანგელოზო... - N89 საჯარო სკოლა სამწუხარო ინფორმაციას ავრცელებს

N89 საჯარო სკოლა სამწუხარო ინფორმაციას ავრცელებს."სკოლის ადმინისტრაცია, პედაგოგები და მოსწავლეები ღრმა მწუხარებას გამოვთქვამთ, ჩვენი საყვარელი მოსწავლის, ნია პაპკიაურის გარდაცვალების გამო.მოუშუშებელია ეს ტკივილი მთელი სასკოლო საზოგადოებისთვის. მან ჩვენს გულებში წარუშლელი კვალი, სითბო და სიყვარული დატოვა.თანაგრძნობას ვუცხადებთ ოჯახსა და ახლობლებს.უფალმა დაუმკვიდროს სასუფეველი!" - ნათქვამია სამძიმრის წერილში.ახლობლების ინფორმაციით, ბავშვი მძიმე სენს ებრძოდა."ნიაკო როგორი იმედი გვქონდა შენი გადარჩენის პატარა ანგელოზო, მშვიდად განისვენე...უფალს ებარებოდე პატარა. ძალიან მეტკინა გული...“ - ოჯახს სამძიმარს უცხადებენ სოციალურ ქსელშიც.

ასტროლოგია • 1783804178

ვენერა ქალწულის ნიშანში გადავიდა, საუკეთესო დროა ცხოვრების პრიორიტეტების დასალაგებლად - რჩევები ასტროლოგისგან

„ვენერა ქალწულის ნიშანში გადავიდა.. სიყვარულისა და სილამაზის პლანეტამ ენერგია შეიცვალა“,- ამის შესახებ ეზოტერიკოსი ქეთევან ჯანდიერი წერს. „თუ ბოლო დღეებში უცებ მოგინდა კარადის დალაგება, იდეალური ლუქის აწყობა, ან დეტალებზე ისეთი ყურადღება მიაქციე, როგორც არასდროს, ეს სულაც არ არის შემთხვევითი!!ვენერა ქალწულში გვეუბნება: სიყვარული სიტყვებით კი არა, ქმედებებით მტკიცდება.ახლა შთაგონება ხმაურიან ემოციებში კი არა, პატარა დეტალებში იმალება. სწორად შერჩეულ ფერს, სუფთა სივრცეს, მოვლილ გარეგნობას და გულწრფელ ზრუნვას იმაზე მეტი ძალა აქვს, ვიდრე შეიძლება გვეგონოს.ამ პერიოდის მთავარი პლუსები: საკუთარ თავზე ზრუნვა; გარდერობის განახლება კლასიკური სტილით; სახლისა და გარემოს მოწესრიგება; სიყვარულის გამოხატვა ქმედებებით; საიმედო და ერთგულ ადამიანებთან დაახლოება..თუ დაბადების რუკაში ძლიერი ვენერა გაქვთ, ახლა შეიძლება განსაკუთრებით გაგიმძაფრდეთ გემოვნება, ესთეტიკის შეგრძნება და იმ სილამაზის დანახვა, რასაც სხვები ხშირად ვერ ამჩნევენ.მაგრამ არის ჩრდილოვანი მხარეც: ზედმეტი კრიტიკა; სხვის ნაკლზე კონცენტრირება; ყველაფრის კონტროლის სურვილი; რწმენა, რომ ვინმეს აუცილებლად შეცვლით.ვენერა ქალწულში 6 აგვისტომდე დარჩება. ეს საუკეთესო დროა არა მხოლოდ სახლისა და გარდერობის, არამედ გრძნობების, ურთიერთობებისა და ცხოვრების პრიორიტეტების დასალაგებლად“,- წერს ეზოტერიკოსი.

საზოგადოება • 1783802415

„იმედით ვიცოცხლებ, რომ ერთხელ ისევ შეგხვდები...“ - ავარიას ახალგაზრდა კაცის სიცოცხლე ემსხვერპლა

ავარიას ახალგაზრდა კაცის სიცოცხლე ემსხვერპლა. სამწუხარო ინფორმაცია სოციალურ ქსელში ვრცელდება. დაღუპული, შაკო ლურსმანაშვილია - მას მეუღლე და მცირეწლოვანი შვილები დარჩა. „მშვიდად განისვენე, ჩემო ძვირფასო ძმაო, ღმერთმა ნათელში გამყოფოს მარადჟამს. სანამ მე ვსუნთქავ, შენს სახელს სიყვარულით ვატარებ, და იმედით ვიცოცხლებ, რომ ერთხელ ისევ შეგხვდები...“, - წერს დაღუპული კაცის და სოციალურ ქსელში.