სამართალი • 1791200865

პენიტენციური სამსახური გიორგი დავითაძის საქმესთან დაკავშირებით ახალ ვიდეოკადრებს აქვეყნებს

სპეციალური პენიტენციური სამსახური მსჯავრდებულ გიორგი დავითაძის დედის მიერ გაკეთებულ განცხადებას ეხმაურება და აცხადებს, რომ მე-6 დაწესებულებაში მსჯავრდებულების დეესკალაციის საკნებში გადაყვანა არ ყოფილა დაკავშირებული გიორგი დავითაძის მიმართ სოლიდარობის გამოხატვასთან.როგორც უწყება განმარტავს, “2026 წლის 2 ოქტომბერს, 22:14 საათზე, ბ. ჭ-მ №6 დაწესებულების დირექტორის მოადგილე დავით ნიკოლაიშვილს საკანში შესვლის მცდელობისას მუცელში ფეხი ჩაარტყა. ამავე დაწესებულებაში 2026 წლის 4 ოქტომბერს, 20:22 საათზე, მსჯავრდებულებმა ჯ. ჯ-მა და ვ.თ-მა სეირნობიდან დაბრუნებისას ფიზიკური შეურაცხყოფა მიაყენეს დაწესებულების თანამშრომლებს”.“სპეციალური პენიტენციური სამსახური ეხმიანება მსჯავრდებულ გიორგი დავითაძის დედის მიერ სახალხო დამცველის წარმომადგენელთან შეხვედრის შემდეგ №6 პენიტენციური დაწესებულების ტერიტორიაზე გაკეთებულ განცხადებას, რომ მსჯავრდებული გიორგი დავითაძე სამოქალაქო სექტორის კლინიკა „ვივამედში“ არ გადავა იქამდე, სანამ იმ მსჯავრდებულებს, რომლებმაც, მისი განცხადებით, დავითაძეს სოლიდარობა გამოუცხადეს, დეესკალაციის საკნებიდან არ გამოიყვანენ. სრული პასუხისმგებლობით ვაცხადებთ, რომ მსჯავრდებულ დავითაძის დედის მიერ გავრცელებული აღნიშნული ინფორმაცია არის სიცრუე.სინამდვილეში, მე-6 დაწესებულებაში მსჯავრდებულების დეესკალაციის საკნებში გადაყვანა არ ყოფილა დაკავშირებული გიორგი დავითაძის მიმართ სოლიდარობის გამოხატვასთან. მათი დეესკალაციის საკნებში გადაყვანა მოხდა კანონმდებლობის მოთხვნათა შესაბამისად როგორც უშუალოდ მსჯავრდებულების, ისე სხვა პირთა (დაწესებულების თანამშრომლები) უსაფრთხოების უზრუნველყოფის მიზნით.კერძოდ, 2026 წლის 2 ოქტომბერს, 22:14 საათზე, ბ. ჭ-მ №6 დაწესებულების დირექტორის მოადგილე დავით ნიკოლაიშვილს საკანში შესვლის მცდელობისას მუცელში ფეხი ჩაარტყა. ამავე დაწესებულებაში 2026 წლის 4 ოქტომბერს, 20:22 საათზე, მსჯავრდებულებმა ჯ. ჯ-მა და ვ.თ-მა სეირნობიდან დაბრუნებისას ფიზიკური შეურაცხყოფა მიაყენეს დაწესებულების თანამშრომლებს.აქვე განვმარტავთ, რომ პენიტენციური სამსახურის თანამშრომელზე თავდასხმა წარმოადგენს მძიმე სისხლის სამართლის დანაშაულს და სამსახური არ დაუშვებს თანამშრომელთა მიმართ ძალადობისა და თავდასხმის არცერთი ფაქტის უგულებელყოფას. თითოეულ ასეთ შემთხვევას მოჰყვება შესაბამისი სამართლებრივი შეფასება და კანონით გათვალისწინებული რეაგირება.სწორედ ზემოაღნიშნულის გამო განთავსდნენ მსჯავრდებულები დეესკალაციის საკნებში და ეს ფაქტი არანაირად არ უკავშირდება მსჯავრდებულ გიორგი დავითაძის მიმართ გამოცხადებულ სოლიდარობას, როგორც ამის წარმოჩენას მისი ოჯახის წევრები ცდილობენ.კიდევ ერთხელ განმარტავთ, რომ დაწესებულებაში ნებისმიერი გადაწყვეტილება მიიღება პენიტენციური კოდექსის, დაწესებულების დებულებისა და დღის განრიგის შესაბამისად. ამიტომ დაუშვებელია აღნიშნული გადაწყვეტილებების ერთმანეთთან დაუსაბუთებლად დაკავშირება”, - ნათქვამია განცხადებაში. 

საზოგადოება • 1791032441

„თურქეთის პოპ-მეფის ყურადღებაც მიიპყრო...“ – ევა ბუთიაშვილის შესახებ თურქული მედიაც წერს

დემეთ ოზდემირისა და სელინ დიონის ყურადღების შემდეგ, პატარა ქართველ გოგონას, ევა ბუთიაშვილს ყურადღება თურქულმა მედიამაც მიაქცია. ამჯერად თურქული პრესის ყურადღების ცენტრში ტარკანის ლეგენდარულ ჰიტზე, “Şımarık”-ზე შესრულებული ევას ცეკვის ვიდეო მოექცა.“Şımarık-ის აჟღერებაზე მან თავი ვერ შეიკავა! თურქული პოპის უბერებელ სიმღერას აყოლილი პატარა ქართველი გოგონას რიტმული ცეკვა და უშუალო ემოციები სოციალურ ქსელში ნამდვილ სენსაციად იქცა.” – წერს თურქული მედია.უცხოური პრესა ხაზს უსვამს იმასაც, რომ ვიდეოს ათასობით დადებითი კომენტარი და მოწონება მოჰყვა, ხოლო ყველაზე მნიშვნელოვანი დეტალი თვითონ ტარკანის რეაქცია აღმოჩნდა – თურქეთის პოპ-ვარსკვლავმა პატარა მოცეკვავის ვიდეო პირადად მოიწონა. თურქული მედია წერს, რომ ეს კიდევ ერთხელ ამტკიცებს, რომ “Şımarık”-ს ასაკი არ აქვს და ტარკანის შემოქმედება თაობიდან თაობას გადაეცემა.შეგახსენებთ, მანამდე თურქმა ვარსკვლავმა დემეთ ოზდემირიმა „ინსტაგრამის“ სთორიში გააზიარა ევას ვიდეო ტექსტით: „ვფიცავ, მაგრამ ვერ ვამტკიცებ“.ევას ვიდეოზე აცეკვდა, თავად სელინ დიონიც. სელინ დიონის მიერ „ინსტაგრამში“ განთავსებულ ვიდეოკოლაჟში, რომელიც პარიზის მოდის კვირეულის მიმდინარეობის დროს, სხვადასხვა სივრცეში გადაღებულ კადრებს აერთიანებს, ერთ-ერთ ეპიზოდში ჩანს, რომ სელინ დიონი მობილურ ტელეფონში ევა ბუთიაშვილის სწორედ იმ ვიდეოს უყურებს, რომელმაც 75 მილიონი ნახვა დააგროვა – მომღერალი აღნიშნულ მუსიკაზე თავადაც ცეკვავს            View this post on Instagram                       A post shared by ფიქრია ბუთიაშვილი (@anamaria_eva_)

პოლიტიკა • 1790948676

ლევან მაჭავარიანი მსჯავრდებულ დავითაძის საქმეზე: რამდენიმეწუთიან ტყუილთან გვქონდა საქმე - ციხეებში ყველაფერი არის ისე, როგორც საერთაშორისო სტანდარტებს შეეფერება და ვერანაირი ასეთი კამპანია ვერ იმუშავებს

 აქაც რამდენიმეწუთიან ტყუილთან გვქონდა საქმე, - განაცხადა პარლამენტის ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა. ის ასე გამოეხმაურა დეზინფორმაციას, თითქოს, №6 პენიტენციური დაწესებულების ადმინისტრაციის თანამშრომლების მხრიდან მსჯავრდებულ გიორგი დავითაძის მიმართ ადგილი ჰქონდა სექსუალურ ძალადობას.მაჭავარიანი აღნიშნავს, რომ საქართველოში ციხეებში ყველაფერი საერთაშორისო სტანდარტების შესაბამისად არის და ამგვარი კამპანიები ვერ იმუშავებს.„კამპანიური სახე მიიღო, საია-მაც სხვათა შორის, ტყუილი გააგზავნა გაერო-ს მომხსენებელთან, რომ ჩვენს ციხეებს დაარტყან, თითქოს გაუსაძლისი პირობებია, თითქოს, წამებაა ციხეებში. ციხეებში ყველაფერი არის ისე, როგორც საერთაშორისო სტანდარტებს შეეფერება და ვერანაირი ასეთი კამპანია ვერ იმუშავებს - ერთი დღეც ვერ მუშაობს, დროა, გონს მოეგონ და 15-წუთიან ტყუილებს თავი დაანებონ“, - განაცხადა მაჭავარიანმა.სპეციალური პენიტენციური სამსახური კატეგორიულად უარყოფს მსჯავრდებულ გიორგი დავითაძის მიერ გავრცელებულ დეზინფორმაციას, თითქოს №6 პენიტენციური დაწესებულების ადმინისტრაციის თანამშრომლების მხრიდან მის მიმართ ადგილი ჰქონდა სექსუალურ ძალადობას. პენიტენციურმა სამსახურმა გიორგი დავითაძის 2025 წლის 21 დეკემბერს დეესკალაციის საკანში გადაყვანისა და იქ ყოფნის ამსახველ ვიდეოკადრებიც გაასაჯაროვა. მოგვიანებით სპეციალური პენიტენციური სამსახურის გენერალური დირექტორი გიორგი პატარიძე მსჯავრდებულ გიორგი დავითაძესთან დაკავშირებით უწყების მიერ გავრცელებულ ვიდეოკადრებს გამოეხმაურა და განაცხადა, რომ ვიდეომასალაში ნათლად ჩანს, რომ არამცთუ ღირსების შემლახავ ფაქტებს, არამედ ძალის გადამეტებასაც კი ადგილი არ ჰქონია. 

სამართალი • 1790945217

გიორგი პატარიძე: „მსჯავრდებულ დავითაძესთან დაკავშირებით გავრცელებულ ვიდეომასალაში ნათლად ჩანს, რომ არამცთუ ღირსების შემლახავ ფაქტებს, არამედ ძალის გადამეტებასაც კი არ ჰქონია ადგილი“

სპეციალური პენიტენციური სამსახურის გენერალური დირექტორი გიორგი პატარიძე მსჯავრდებულ გიორგი დავითაძესთან დაკავშირებით უწყების მიერ გავრცელებულ ვიდეოკადრებს ეხმიანება და აცხადებს, რომ ვიდეომასალაში ნათლად ჩანს, რომ  არამცთუ ღირსების შემლახავ ფაქტებს, არამედ ძალის გადამეტებასაც კი ადგილი არ ჰქონია.გიორგი პატარიძემ №6 პენიტენციური დაწესებულების თანამშრომლებს დაკისრებული მოვალეობების ღირსეულად შესრულებისთვის მადლობა გადაუხადა.„საზოგადოების მაღალი ინტერესიდან გამომდინარე, დღეს პენიტენციურმა სამსახურმა მიიღო კადრების გავრცელების გადაწყვეტილება. გავრცელებულ ვიდეომასალაში ნათლად ჩანს, რომ არამცთუ ღირსების შემლახავ ფაქტებს, არამედ ძალის გადამეტებასაც კი არ ჰქონია ადგილი, რისთვისაც ძალიან დიდი მადლობა მინდა,გადავუხადო  №6 პენიტენციური დაწესებულების უკლებლივ ყველა თანამშრომელს, და მინდა, აღვნიშნო, რომ ისინი გამოირჩევიან მაღალი პროფესიონალიზმით“, – განაცხადა გიორგი პატარიძემ და კიდევ ერთხელ გამოთქვა მზადყოფნა, დაინტერესებულ მხარეებს გადასცეს 2026 წლის 3 მარტიდან  მოყოლებული მსჯავრდებულ დავითაძესთან დაკავშირებით გადაღებული და დაარქივებული უწყვეტი კადრები.„აქვე გავიმეორებ და კიდევ ერთხელ მოვუწოდებ დაინტერესებულ მხარეებს, რომ კანონმდებლობის სრული დაცვით გამოითხოვონ შესაბამისი ვიდეომასალა, რომელიც ითვალისწინებს მსჯავრდებულ დავითაძის სრულ გადაადგილებას  №6 პენიტენციური დაწესებულების ტერიტორიაზე 2026 წლის 3 მარტიდან დღეის ჩათვლით“, – განცხადა გიორგი პატარიძემ.მან კიდევ ერთხელ მოუწოდა ყველას, თავი შეიკავონ ცრუ და მიზანმიმართული დეზინფორმაციის გავრცელებისა და საზოგადოების შეცდომაში შეყვანის მცდელობისგან.

faceამბები • 1790941440

„მარტივი საყურებელი არ იქნება...“ - გიგი ქათამაძე მსოფლიოში ყველაზე ვიწრო მღვიმიდან კადრებს აქვეყნებს

პოპულარული „იუთუბერი“ გიგი ქათამაძე გამომწერებს ახალი თავგადასავლით უბრუნდება. 299 ათასიანი აუდიტორიის მქონე ბლოგერი ამჯერად მსოფლიოში ყველაზე ვიწრო მღვიმეში გაძვრა, რომლის ვიდეოსაც „იუთუბის“ საკუთარ არხზე გვთავაზობს:„ეს არის მსოფლიოში ყველაზე ვიწრო გამოქვაბული, რომლის გასავლელად 12 საათი არის საჭირო. ეს კი მე ვარ გაჭედილი მიწიდან 1200 მეტრის სიმაღლეზე, გარე სამყაროსთან კი კავშირი საერთოდ არ მაქვს. ჩადიხარ ადგილას, სადაც მხოლოდ სიბნელეა. გვირაბები, რომლებიც ყველა ნაბიჯზე უფრო ვიწროვდება. ერთადერთ გასასვლელთან კი 12 საათიანი გზა გაშორებს“, - ამბობს გიგი ქათამაძე ვიდეოში.

სამართალი • 1790937032

პენიტენციური სამსახური, გიორგი დავითაძის დეესკალაციის საკანში გადაყვანისა და იქ ყოფნის ამსახველ ვიდეოკადრებს ასაჯაროებს

სპეციალური პენიტენციური სამსახური, 2025 წლის 21 დეკემბერს, მსჯავრდებულ გიორგი დავითაძის დეესკალაციის საკანში გადაყვანისა და იქ ყოფნის ამსახველ ვიდეოკადრებს ასაჯაროებს.საუბარია ეპიზოდზე, როცა მსჯავრდებულის განცხადებით, მასზე სექსუალური ძალადობა მოხდა.“სპეციალური პენიტენციური სამსახური, საზოგადოების მაღალი ინტერესის გათვალისწინებით, ასაჯაროებს მსჯავრდებულ გიორგი დავითაძის 2025 წლის 21 დეკემბერს დეესკალაციის საკანში გადაყვანისა და იქ ყოფნის ამსახველ ვიდეოკადრებს, რა დროსაც, მსჯავრდებულის განცხადებით, მოხდა მასზე სექსუალური ძალადობა, რაც არის სრული სიცრუე. აქვე განვმარტავთ პროცედურას, როგორ ხდება მსჯავრდებულის განთავსება დეესკალაციის ოთახში. პენიტენციური დაწესებულების დებულებისა და პენიტენციური კოდექსის შესაბამისად, დეესკალაციის საკანში გადაყვანისას მსჯავრდებული ექვემდებარება შემოწმება - დათვალიერებას, რაზეც მსჯავრდებულმა დავითაძემ კატეგორიული უარი განაცხადა და დაიწყო დაწესებულების თანამშრომელთა სიტყვიერი შეურაცხყოფა. კადრებშიც ჩანს, რომ მხოლოდ ამის შემდეგ, მათზე დაკისრებული მოვალეობის შესრულების მიზნით, დაწესებულების თანამშრომლებმა იძულებით ჩაუტარეს შემოწმება მსჯავრდებულს, რაც განხორციელდა სხეულზე ელექტროდეტექტორის გამოყენებით.კადრების გასაჯაროებისგან აქამდე თავს ვიკავებდით ერთადერთი მიზეზით – საქმეზე მიმდინარეობს გამოძიება და არ გვინდოდა, ჩვენი ქმედება ვინმეს მიერ გამოძიებაზე ზეწოლის მცდელობად ყოფილიყო აღქმული. თუმცა, საკითხის მიმართ არსებული მაღალი საზოგადოებრივი ინტერესის, საქმის განსაკუთრებული სენსიტიურობის და მსჯავრდებულის ოჯახის მხრიდან უწყების დისკრედიტაციის მიზანმიმართული მცდელობის გათვალისწინებით, პენიტენციურმა სამსახურმა მიიღო აღნიშნული გადაწყვეტილება.გარდა ამისა, როგორც მიმდინარე წლის 23 სექტემბერს გაკეთებულ განცხადებაში სპეციალური პენიტენციური სამსახურის გენერალურმა დირექტორმა გიორგი პატარიძემ აღნიშნა, მისი გადაწყვეტილებით, 2026 წლის 3 მარტიდან დღემდე მსჯავრდებულ გიორგი დავითაძესთან დაკავშირებით პენიტენციურ დაწესებულებაში მისი ნებისმიერი გადაადგილების ამსახველი უწყვეტი ვიდეომასალა დაარქივებულია და სპეციალური პენიტენციური სამსახური მზად არის, აღნიშნული მასალებიც, კანონმდებლობით დადგენილი წესისა და მოთხოვნების შესაბამისად, გადასცეს ყველა დაინტერესებულ მხარეს”, - ნათქვამია განცხადებაში.

ტაბლოიდი • 1790853925

თაკო ნაცვლიშვილი მეგობრის იტალიური ქორწილიდან კადრებს გვიზიარებს

ქართველი მოდელი თაკო ნაცვლიშვილი, რომელიც მსოფლიო მოდის ეპიცენტრში არაერთხელ მოექცა და საზოგადოების ყურადღება მშვენიერი გარეგნობის გამო მიიქცია, სოციალურ ქსელში აქტიურობით გამოირჩევა.იგი სოციალურ ქსელში ახალ ფოტოებს აქვეყნებს, რომელმაც უამრავი მოწონება დაიმსახურა. იგი იტალიაში მეგობრის ქორწილში იმყოფებოდა, სადაც ღია ფერის ელეგანტური კაბა ეცვა.

ტაბლოიდი • 1790853179

კრისტი ყიფშიძე ფოტოსესიიდან ახალ კადრებს გვიზიარებს

ქართველი მოდელი კრისტი ყიფშიძე სოციალურ ქსელში მორიგ შთამბეჭდავ და ელეგანტურ ფოტოსესიას აქვეყნებს. ვინტაჟურ ინტერიერში, ანტიკვარულ პიანინოსთან გადაღებულ ფოტოებში, მოდელი წითელ კაბაში პოზირებს.ცნობისთვის, კრისტი ყიფშიძე ქართული სამოდელო სფეროს ერთ-ერთი ყველაზე ცნობილი და წარმატებული სახეა. მან კარიერა 90-იან წლებში დაიწყო და წლების განმავლობაში წამყვან დიზაინერებთან, მოდის სახლებთან და ჟურნალებთან თანამშრომლობდა.გარდა სამოდელო საქმიანობისა, კრისტი აქტიურადაა ჩართული სხვადასხვა ტელეპროექტსა და მოდის ინდუსტრიის ღონისძიებაში. იგი სოციალურ ქსელშიც განსაკუთრებული პოპულარობით სარგებლობს და გამომწერებს ხშირად უზიარებს.            View this post on Instagram                       A post shared by Kristi Kipshidze (@kristiglen)

შემთხვევა • 1790800447

ავარია ავტობანზე - ერთმანეთს მსუბუქი მანქანა და მიკროავტობუსი შეეჯახა

გორთან ავტოსაგზაო შემთხვევა მოხდა. ავტობანზე ერთმანეთს მსუბუქი ავტომანქანა და მიკროავტობუსი შეეჯახა. ინფორმაციას და კადრებს „ქართლის ამბები“ ავრცელებს. ადგილზე მობილიზებულნი არიან სამართალდამცველები. „პრაიმტაიმი“ შემთხვევის დეტალებს არკვევს.

ტაბლოიდი • 1790774580

„ჩვენი ბედნიერება“ - „დუეტი ლეონი“ თბილ კადრებს გვიზიარებს

„დუეტი ლეონი“ სოციალურ ქსელში ოჯახურ და ემოციურ კადრებს გვიზიარებს.„მივულოცოთ, 4 თვის გახდა ჩვენი პატარა იესე. ოთხი თვეა, ჩვენი დიდი ბედნიერება ხარ. გაიზარდე ჯანმრთელი და ბედნიერი, დედიკოს და მამიკოს სიხარულო“, - წერს სოცქსელში წყვილი. გამომწერებმა მათ უამრავი თბილი კომენტარი დაუწერეს და ბედნიერება და სიყვარული უსურვეს.„დუეტი ლეონი“ სოციალურ ქსელში ხშირად უზიარებს საკუთარ აუდიტორიას, როგორც პროფესიულ, ისე პირად ცხოვრებასთან დაკავშირებულ სიახლეებს.

ტაბლოიდი • 1790664000

ლიანა ჯოჯუამ რჩეულზე იქორწინა - კადრები ქორწილიდან

UFC-ის ყოფილი ქართველი მებრძოლი ქალი ლიანა ჯოჯუა თავის რჩეულზე დაქორწინდა.კადრებს სოციალურ ქსელში ლიანა გვიზიარებს, სადაც საზეიმო ღონისძიების გულთბილი მომენტებია ასახული.„გილოცავთ, იხარეთ და იბედნიერეთ“, „სულ ასე ერთად და ბედნიერად იყავით მარადიული წლები“,- წერენ კომენტარებში.           View this post on Instagram                       A post shared by - 𝓝. 𝓙. ♦️ (@georgian.orthodox)

ტაბლოიდი • 1790578341

„12 წლის ვიყავი, როცა პირველად „ნიჭიერის“ სცენაზე გამოვედი… ახლა კი უკვე ჟიურის ამპლუაში მიხილავთ“ - ნუცა ბუზალაძე შოუს ჩაწერიდან კადრებს გვიზიარებს

პროექტი „ნიჭიერი“ დაიწყო. პროექტის გადასაღები მოედნიდან მომღერალი ნუცა ბუზალაძე კადრებს აქვეყნებს. „ნიჭიერის“ ახალი სეზონი დაიწყო! დღეს კი ქასთინგის პირველი დღე გვაქვს. მახსოვს, 12 წლის ვიყავი, როცა პირველად „ნიჭიერის“ სცენაზე გამოვედი… ახლა კი ამავე პროექტში უკვე ჟიურის ამპლუაში მიხილავთ“, – ამის შესახებ სოციალურ ქსელში ნუცა ბუზალაძე წერს და გვიზიარებს კადრებს, რომელიც შოუს ჩაწერის დროს არის გადაღებული.